video: నీటిలో నల్లగా.. బయటకు తీస్తే తెల్లగా.. ఇదేంటో తెలుసా?

ఈ భూమిపై జీవం పుట్టింది సముద్రాల్లో అని చెబుతారు. మొదట్లో పుట్టిన జీవులకు ఓ ఆకారం అంటూ లేదనీ... క్రమంగా చుట్టుపక్కల ఉండే వాతావరణ పరిస్థితులను బట్టీ అవి తమ ఉనికిని కాపాడుకునేందుకు రకరకాలుగా మారాయనే సిద్ధాంతం ఉంది. సముద్రాల్లో జీవులు నీటిలో వెళ్లేందుకు వీలుగా వాటికి రెక్కలు, తోకలూ వచ్చాయి. నీటి నుంచి బయటకు వచ్చిన కొన్ని జంతువులకు రెక్కలు పోయి కాళ్లు వచ్చాయి. ఇలా జీవ పరిణామక్రమంలో జీవుల్లో చాలా మార్పులు వస్తున్నాయి. ఇక ప్రతి జీవి తనను తాను రక్షించుకునే క్రమంలో కొన్ని ప్రత్యేకతలు కలిగి ఉంటోంది. అదే విధంగా ఆ స్క్విడ్ కూడా రంగులు మారే ప్రత్యేకత తలిగివుందా? (color changing squid)

ఇన్‌స్టాగ్రామ్‌లోని hersey.dahil16 పేజీలో ఈ వీడియోని మార్చి 9న పోస్ట్ చేశారు. దీన్ని ఇప్పటికే లక్షల మంది చూడగా... 24 వేలకు పైగా లైక్స్ వచ్చాయి. ఇదో టిక్ టాక్ వీడియో. momobena7 అకౌంట్ నుంచి తీసుకున్నట్లు తెలిపారు. ఈ వీడియోని గమనిస్తే... ఇందులో నీటిలో అర చెయ్యి సైజులో ఓ స్క్విడ్ (squid) చేప ఈదుతోంది. ఓ వ్యక్తి దాన్ని రెండు అరచేతులతో మెల్లగా నీటిలోంచి పైకి తీశాడు. వెంటనే అది తెల్లగా, పారదర్శకంగా మారిపోయింది. ఇందులో గ్రాఫిక్ ఏదీ లేదు అని చెప్పేందుకు వీలుగా ఆ వ్యక్తి ఆ చేపను మళ్లీ నీటిలో వదిలాడు. క్షణాల్లో అది నల్లగా మారిపోయింది. (squid color changing video)

ఆ వీడియోని ఇక్కడ చూడండి (viral video)

ఈ వీడియో నెటిజన్లను ఆశ్చర్యపరుస్తోంది. కొంతమంది అదేంటి అని అడుగుతున్నారు. మరికొందరు విచిత్రంగా ఉంది అంటున్నారు. ఓ యూజర్ "దాన్ని తిరిగి సముద్రంలో వదిలెయ్యండి" అని కోరారు. "నా మూడ్ వెంటవెంటనే ఎలా మారిపోతుందో అలా అది కూడా రంగులు మార్చేసుకుంటోంది" అని మరో యూజర్ కామెంట్ ఇచ్చారు. "నాకు అలాంటిది కావాలి" అని మరో యూజర్ కామెంట్ ఇచ్చారు.

ఎలా సాధ్యం (how squids change color):
ఊసరవెల్లుల చర్మంపై ఎలాగైతే... చుట్టుపక్కల ఉన్న రంగులు ప్రతిక్షేపణం అవుతాయో... అలాగే ఈ స్క్విడ్ విషయంలోనూ జరుగుతోంది. కొన్ని రకాల స్క్విడ్ జాతి చేపలు, ఆక్టోపస్ లకు ఇలా రంగులు మార్చుకునే లక్షణం ఉంటుంది. అందుకు తగినట్లుగా వాటి శరీర కణాలు ఉంటున్నాయి.
video: అరే.. గుడ్డు ఎలా మాయమైంది?.. పాప మ్యాజిక్ నెక్ట్స్ లెవెల్
మహా సముద్రాల్లో అప్పుడప్పుడూ డైవర్లకు ఇలాంటి జీవులు కనిపిస్తున్నాయి. వారి కళ్ల ముందే అవి రకరకాల రంగుల్లోకి మారిపోతున్నాయి.
video: యూట్యూబర్.. తింటూ నెలకు రూ.7.5 కోట్లు సంపాదిస్తోంది
ఈ కలర్ ఛేంజింగ్ పై పెద్ద ఎత్తున పరిశోధనలు జరుగుతున్నాయి. ఇదే విధంగా మనుషులు కూడా రంగులు మార్చుకోవచ్చా అన్నది పరిశీలిస్తున్నారు.