viral video: అరుదైన బుల్లి బొల్లి తాబేలు.. ఎక్కడ పుట్టిందో తెలుసా?

స్విట్జర్లాండ్ జూలో పర్యాటకులకు తొలిసారి ఓ బుల్లి బొల్లి తాబేలును చూపించారు అక్కడి అధికారులు. అది మామూలు తాబేలు పిల్ల కాదు. గాలాపగోస్ తాబేలు (Galapagos tortoise). గాలాపగోస్ దీవుల్లో ఇప్పటివరకూ బొల్లి తాబేలు కనిపించలేదు. అందువల్లే ఇదే తొలి బొల్లి తాబేలుగా నిలిచింది. దీనికి డిప్పతో సహా ఒళ్లంతా తెల్లగా ఉంది. కళ్లు మాత్రం ఎర్రగా ఉన్నాయి. ABC న్యూస్ ప్రకారం ఈ చిన్న తాబేలు... మేలో పుట్టింది. ఈ తాబేలుకి సంబంధించిన గుడ్డును సెర్వియన్‌లోని ట్రాపిక్వేరియంలో ఉన్న ఇంక్యుబేటర్‌లో రెండున్నర నెలలు ఉంచడంతో... ఇది పుట్టింది. (Albino Tortoise In Switzerland Zoo)

"తాబేళ్లలో బొల్లి అనేది అత్యంత అరుదు. ప్రతి లక్ష తాబేళ్లలో ఒక దానికి మాత్రమే బొల్లి ఉంటుంది. అదే మనుషుల్లో ప్రతి లక్ష మందిలో 20 వేల మందికి ఇది ఉండొచ్చు అని జూ అధికారులు ఓ స్టేట్‌మెంట్‌లో తెలిపారు. (rare tortoise of galapagos)

గాలాపగోస్ తాబేళ్లు వందల సంవత్సరాలు బతుకుతాయి. కాకపోతే... ప్రస్తుతం వీటి సంఖ్య తక్కువగా ఉంది. అంతరించిపోయే తాబేళ్ల జాతిలో ఇవి చేరిపోయాయి. ప్రత్యేక జాగ్రత్తలు తీసుకొని వీటి సంఖ్యను పెంచేందుకు ప్రయత్నిస్తున్నారు. ఈ చిన్న తాబేళ్లు ఒక్కోటీ అరకేజీ బరువున్నాయి. ఇవి చేతిలో పట్టేంత చిన్నగా ఉన్నాయి.

రిపోర్టుల ప్రకారం ఈ తాబేళ్ల తల్లి బరువు 100 కేజీలకు పైగా ఉంది. తెల్ల తాబేలుతో ఉన్న మరో తాబేలు... అచ్చం దాని తల్లిదండ్రుల లాగానే ఉందని అధికారులు తెలిపారు.

బొల్లి ఎలా వస్తుంది? (Why albinism in Animals)బొల్లి ఉన్న జంతువులకు చర్మంలో మెలనిన్ అనే నల్ల పదార్థం ఉత్పత్తి కాదు. ఈ మెలనిన్ వల్లే మన చర్మం రంగులో ఉంటుంది. మెలనిన్ తక్కువగా ఉండేవారికి చర్మం తెల్లగా ఉంటుంది. బొల్లి ఉంటే... అసలు మెలనిన్ అన్నదే ఉండదు. వారికి అది ఉత్పత్తి కాదు. మన జుట్టు, కళ్లలో కూడా మెలనిన్ ఉంటుంది. బొల్లి ఉన్న జంతువులకు సాధారణంగా కళ్లు ఎర్రగా ఉంటాయి. కారణం ఆ కళ్లలో మెలనిన్ పిగ్మెంట్ ఉండదు. అందువల్ల కళ్ల వెనక ఉండే... రక్తనాళాల వల్ల అవి ఎర్రగా కనిపిస్తాయి.