video: రూబిక్ క్యూబ్‌తో గిన్నీస్ రికార్డు.. అక్కడే చిన్న ట్విస్ట్

మీరు గమనించారో లేదో... పిల్లల్లో మూడు రకాలుంటారు. కొందరు పిల్లలు రేసింగ్ గేమ్స్, బైక్ గేమ్స్ లాంటి వేగవంతమైనవి ఆడేందుకు ఇష్టపడతారు. వాళ్లు ఓ రకం. రెండో రకం పిల్లలు... తాపీగా ఉండే గేమ్స్ ఆడుతారు. అంటే యాంగ్రీబర్డ్స్ లాంటి టైమ్‌తో పనిలేని గేమ్స్ ఆడేందుకు ఇష్టపడతారు. మూడో రకం పిల్లలు... పజిల్స్, సుడోకులు, చెస్ వంటివి ఆడుతారు. ఈ మూడో రకం పిల్లలు బ్రెయిన్‌కి చాలా ఎక్కువ పని పెడతారు. అందుకు తగ్గట్టుగానే వీళ్ల బ్రెయిన్ షార్ప్‌గా ఉంటుంది. రూబిక్ క్యూబ్ ని సెట్ చేసే పిల్లలు ఈ మూడో రకం అనుకోవచ్చు. మిగతా రకం పిల్లలు కూడా రూబిక్ క్యూబ్ సెట్ చెయ్యగలరుగానీ.. వీళ్లకు ఉన్నంత ఆసక్తి వాళ్లకు ఉండకపోవచ్చు. తాజాగా తమిళనాడుకు చెందిన ఓ కుర్రాడు... 14.32 సెకండ్లలో రూబిక్ క్యూబ్ కలర్స్‌ని పర్ఫెక్టుగా సెట్ చేసి... గిన్నీస్ వరల్డ్ రికార్డ్ (Guinness World Record) సాధించాడు.

చాలా మంది పిల్లలకు రూబిక్ క్యూబ్‌ని చూడగానే నేలకేసి కొట్టాలి అనిపిస్తుంది. ఎందుకంటే అది వాళ్లకు ఎంతకీ సెట్ కాదు. దాని రంగుల్ని ఎలా సెట్ చెయ్యాలో తెలియక ఇరిటేషన్ అవుతారు. క్యూబ్స్ మార్చీ మార్చీ చివరకు అది పాడైపోతుంది గానీ.. సెట్ మాత్రం కాదు. వాళ్లకు పూర్తి వ్యతిరేకమైనవాడు తమిళనాడులోని చెన్నైకి చెందిన జయదర్శన్ వెంకటేశన్ (Jayadharshan Venkatesan). ఈ కుర్రాడు... హెర్క్యులెస్ సైకిల్‌ (Hercules bicycle)పై వెళ్తూ రూబిక్ క్యూబ్‌ని సెట్ చేశాడు. అదే ఈ ఫీట్‌లో ప్రత్యేకం. ఇప్పటివరకూ ఎవరూ ఇలా సైకిల్‌పై వెళ్తూ ఇంత తక్కువ టైమ్‌లో సెట్ చెయ్యలేదు. (how to solve Rubik’s cube)

గిన్నీస్ వరల్డ్ రికార్డ్ వాళ్లు... తమ అధికారిక ఇన్‌స్టాగ్రామ్ పేజీలో ఈ రికార్డు వీడియోని పోస్ట్ చేశారు. ఆ వీడియోని ఇక్కడ చూడండి (viral video)

ఎంతో ఈజీగా చేసేసినట్లు ఉన్న ఈ ఫీట్ కోసం జయదర్శన్ రెండేళ్లుగా కృషి చేశాడు. మరో కేసులో ఆమెరికాకు చెందిన ఓ టీనేజర్... రూబిక్ క్యూబ్‌లో తన రికార్డును తానే బ్రేక్ చేశాడు. కళ్లతో చూడకుండా... 14.67 సెకండ్లలో రూబిక్ క్యూబ్‌ని సెట్ చేశాడు. పేరు టామ్మీ చెర్రీ (Tommy Cherry). ఇలా సెట్ చేసిన వారిలో అత్యంత వేగంగా చేసినది ఇతనే. దాదాపు ఆరున్నరేళ్లపాటూ ప్రాక్టీస్ చేశాక గానీ టామ్మీ చెర్రీకి ఇది సాధ్యపడలేదు. ఇలా గిన్నీస్ బుక్ ఎక్కిన చెర్రీకి మరో రికార్డు కూడా సొంతమైంది. కళ్లతో చూడకుండా... వేగంగా రూబిక్ క్యూబ్‌ని సెట్ చేసిన అతి తక్కువ సగటు కూడా తనపేరునే ఉంది. రెండుసార్లూ కలిపి... 15.24 సెకండ్ల సగటు వచ్చింది.

మనిషా.. మెట్రోరైలా!.. 16 గంటల్లో 254 స్టేషన్లు తిరిగి గిన్నీస్ ఎక్కాడు
ఇలా కొందరు ఈ క్యూబ్‌ని జీవితాంతం ప్రయత్నించినా సెట్ చెయ్యలేని పరిస్థితి ఉంటే... మరికొందరు ఇలా క్షణాల్లో పూర్తి చేసి రికార్డులు తిరగరాస్తున్నారు.