Time traveler : టైమ్ ట్రావెలర్ హెచ్చరిక .. ఆగస్ట్ 14న ప్రళయం

Time traveller : "మీరు టైమ్ ట్రావెలర్ అవ్వాలి అనుకుంటున్నారా... అయితే.. ఈజీగా అవ్వొచ్చు... ఫేస్‌బుక్ లాంటి సోషల్ మీడియా ప్లాట్‌ఫామ్‌లో టైమ్ ట్రావెలర్ అనే పేరుతో పేజీ తెరిచి... భవిష్యత్తులో ఫలానా విధంగా జరగబోతోందని హెచ్చరిస్తే చాలు మీరే టైమ్ ట్రావెలర్"... అనే విమర్శలు టైమ్ ట్రావెలర్లుగా చెప్పుకుంటున్న వారిపై వస్తున్నాయి. ఎందుకంటే వారు చెప్పేవి ఏవీ జరగట్లేదు. కానీ ఆ హెచ్చరికలపై హడావుడి మాత్రం ఓ రేంజ్‌లో జరుగుతోంది. గత వారం ఓ టైమ్ ట్రావెలర్ ఒక రకమైన హెచ్చరికలు చేయగా... తాజాగా మరో టైమ్ ట్రావెలర్ హెచ్చరికలు తెరపైకి వచ్చాయి. ఈమె 2090 నుంచి వచ్చినట్లు చెబుతోంది. ఆగస్ట్ 14, 2022 ఆదివారం నాడు అమెరికా చరిత్రలోనే అతి పెద్ద తుఫాను (worst hurricane in history) విరుచుకుపడబోతోందనీ... దాని ప్రభావం తూర్పు అమెరికాపై తీవ్రంగా ఉంటుందనీ, చాలా మంది చనిపోతారని హెచ్చరించింది.

ఫేస్‌బుక్ లో Kim Windell Nocos అనే యూజర్ తాను టైమ్ ట్రావెలర్ అని ఈ సంవత్సరం ఏప్రిల్ లో చెప్పుకుంది. భవిష్యత్తు నుంచి 68 ఏళ్లు వెనక్కి వచ్చినట్లు తెలిపింది. తుఫాను వచ్చినప్పుడు గంటకు 400 కిలోమీటర్ల వేగంతో గాలులు వీస్తాయనీ... ఫలితంగా అమెరికా రాష్ట్రం దక్షిణ కరోలినా అల్లకల్లోలం అయిపోతుందని హెచ్చరించింది. ప్రజలు సేఫ్ గా ఉండాలని కోరుకుంటున్నట్లు ఓ పోస్టులో తెలిపింది.

ఆ పోస్ట్ ఫొటోని ఇక్కడ చూడండి (time traveler facebook post)


ఈ ఫేస్‌బుక్ పోస్ట్‌.. ఫేస్‌బుక్ లోని టైమ్ ట్రావెల్ (Time Travel) గ్రూప్ లో తాజాగా షేర్ అయ్యింది. గ్రూప్ లో వారికి మాత్రమే ఆ పోస్ట్ కనిపిస్తుంది. ఈ గ్రూప్ లో 30వేల మంది దాకా సభ్యులున్నారు. వీరిలో చాలా మంది ఈ తుఫాను వస్తుందని నమ్ముతున్నారు.

గ్రూప్‌లో ఈ పోస్ట్‌ని షేర్ చేసిన వ్యక్తి... ""నేను ఎందుకు పోస్ట్ చేశానో నాకు తెలుసు. ఎవరో తాము టైమ్ ట్రావెలర్ అని చెప్పుకున్నారు. భవిష్యత్తు గురించి అంచనా వేశారు. ఆమె కరెక్ట్ అయితే, టైమ్ ట్రావెల్ అనే అంశంపై నాకు ఉన్న అభిప్రాయాన్ని మార్చుకుంటాను" అని పోస్టుకు రిప్లై ఇచ్చారు.

"ఆమె చెప్పింది జరిగితే.. అది విచారకరం. దారుణమైన విషయమే. కానీ అలా జరిగితే.. నేను టైమ్ ట్రావెల్ అనే అంశాన్ని నమ్ముతాను" అని మరో యూజర్ రిప్లై ఇచ్చారు.

"ఈ టైమ్ ట్రావెలర్లంతా ఎందుకు చెడు హెచ్చరికలే చేస్తారు? ఇప్పటివరకూ ఒక్కరు కూడా మంచి విషయం జరుగుతుందని చెప్పలేదు" అని మరో యూజర్ అభిప్రాయం తెలిపారు.

అమెరికా వాతావరణ అధికారులు మాత్రం ఇలాంటి హెచ్చరిక ఏదీ చెయ్యలేదు. అసలు ఈ వారంలో హరికేన్ (తుఫాను) వచ్చే అవకాశం ఉందని కూడా చెప్పలేదు. ఆగస్ట్ 14న సౌత్ కరోలినాలో 30 డిగ్రీల ఎండ ఉంటుందని వరల్డ్ మెట్రోలాజికల్ ఆర్గనైజేషన్ తెలిపింది.

అవి జరగట్లేదు:
ఆగస్ట్ 5, 2022 శుక్రవారం నాడు... ఓ వ్యక్తి చనిపోతాడనీ... అతను తిరిగి బతుకుతాడని తనను తాను టైమ్ ట్రావెలర్‌గా చెప్పుకునే ఓ పర్సన్ సోషల్ మీడియా ద్వారా గత వారం హడావుడి చేశాడు. అది జరగలేదు. ఆ మధ్య ఒకడు 2096 నుంచి వచ్చానన్నాడు. 2024లో వచ్చే వైరస్ కి ప్రపంచం లొంగిపోతుంది అన్నాడు. మరొకడు నవంబర్ 14, 2022న సూర్యుడి నుంచి శక్తిమంతమైన అరుదైన ఎనర్జీ (rare energy) భూమిని ఢీకొంటుందనీ... అప్పుడు భూమిపై 10 మందికి సూపర్ పవర్స్ వస్తాయని చెప్పాడు. ఇంకో టైమ్ ట్రావెలర్... మరో సంవత్సరంలో ప్రపంచ దేశాల ప్రజలు సమాంతర విశ్వాన్ని (parallel world) చూస్తారని అన్నాడు. అది మనం ఉన్న ప్రపంచానికి పూర్తి విరుద్ధంగా ఉంటుందని చెప్పాడు. అలాగే అజావా (Azawa) అనే కొత్త గ్రహంపై ఏలియన్స్ ఉంటారనీ వారు భూమిపై మనుషులకు శత్రువులు అవుతారనీ... 9/11 తరహా దాడులు చేస్తారని చెప్పాడు. ఇలా ఇష్టమొచ్చినట్లు చెబుతూ ప్రజల్ని భయపెట్టేందుకు యత్నిస్తున్నారు వీళ్లంతా.