Optical Illusion Video: వింత సొరంగం.. వాహనదారుల్లో భయం

అదో చిన్న వీడియో. ఓ సొరంగం లోపల కారులో కూర్చున్న వ్యక్తి రికార్డ్ చేసిన వీడియో. అది నెటిజన్లకు బాగా నచ్చుతోంది. ఎందుకంటే... వారి కళ్లు వాళ్లను మోసం చేస్తున్నాయి. వీడియోని గమనిస్తే ఆ సొరంగంలో రోడ్డు ఉంది. అక్కడ ఎడమవైపుకి మలుపు ఉంది. ఆ మలుపు దగ్గర రోడ్డుకి కన్నం పడినట్లు, లోయలా ఉన్నట్లు కనిపిస్తోంది. అది చూసిన ఓ కారు డ్రైవర్... కారు ఆపేసి... ఆ లోయ ఎందుకు ఉందా అని ఆలోచిస్తూ... వీడియో రికార్డ్ చేస్తున్నాడు. ఇంతలో పక్క నుంచి ఓ కారు వేగంగా వెళ్లింది. ఆ కారు డ్రైవర్ కూడా ఆ గొయ్యిని చూసి... సడెన్ బ్రేక్ వేసి... గొయ్యికి పక్క నుంచి కారును పోనిచ్చాడు. (Optical Illusion Video)

ఇంతలో మరో కారు వచ్చింది. ఆ కారు డ్రైవర్ కూడా దాదాపు గొయ్యి దాకా వెళ్లి... పక్కకు పోనిచ్చాడు. ఐతే... రెండోవాహన డ్రైవర్ కొద్దిగా గొయ్యిపై నుంచి కారును పోనిచ్చాడు. అది వీడియో రికార్డ్ చేస్తున్న డ్రైవర్ చూశాడు. "అంటే అది గొయ్యి కాదు" అనుకుంటూ కారును దాని దగ్గరకు పోనిచ్చాడు. అక్కడ అదేంటో చూసి... "వార్నీ ఇదా... నేను గొయ్యి అనుకున్నానే" అంటూ కారును ముందుకు పోనిచ్చాడు. మరి అక్కడ ఏముందన్నది అసలు పాయింట్. (Tunnel with optical illusion)

ఈ వీడియో మొదట రెడ్డిట్‌లో పోస్ట్ అవ్వగా... తర్వాత ఇతర సోషల్ మీడియా ప్లాట్‌ఫామ్స్‌లో సందడి చేస్తో్ంది. ట్విట్టర్‌లోని @modamsshe అకౌంట్‌లో మే 3న పోస్ట్ చేసిన ఈ వీడియోని ఇప్పటివరకు 1.66 లక్షల మందికి పైగా చూశారు.

ఆ వీడియోని ఇక్కడ చూడండి (viral video)

చూశారుగా... అంతా ఆప్టికల్ ఇల్యూషన్ (optical illusion) మాయ. చూడటానికి అక్కడ పెద్ద గొయ్యి ఉన్నట్లే కనిపిస్తోంది... తీరా చూస్తే అది నీరు. ఎండమావి లాగా ఇది వాహన దారులను గందరగోళపరుస్తోంది. నెటిజన్లకు ఈ వీడియో బాగా నచ్చుతోంది. తమకు కూడా అక్కడ గొయ్యి ఉన్నట్లే కనిపిస్తోందని చాలా మంది చెబుతున్నారు. "అది గొయ్యి కాదు అని నా బ్రెయిన్‌ని నమ్మించేందుకు అన్ని రకాలుగా ప్రయత్నిస్తున్నా వీలు కావట్లేదు" అని ఓ యూజర్ కామెంట్ ఇచ్చారు.
Mystery video: ఆత్మకి హాయ్ చెప్పిన పసికందు?.. తండ్రికి ఆశ్చర్యం
ఎండమావి (mirage) కూడా ఇలాంటిదే. ఎడారుల్లో, ఎండ బాగా ఉన్నప్పుడు దూరంగా రోడ్లపై నీరు ఉన్నట్లు కనిపిస్తుంది. తీరా అక్కడికి వెళ్తే నీరు ఉండదు. వాతావరణ మార్పుల వల్ల అలా కనిపిస్తుంది. గాలి వేడెక్కినప్పుడు... ఆకాశం నుంచి వచ్చే కాంతి... వక్రీభవనం (refraction) చెంది.. నీరులా కనిపిస్తుంది. దానికి పూర్తి రివర్సులో ఈ సొరంగంలో... నీరు ఉండి కూడా... నీరు లేనట్లు కనిపిస్తోంది.