Air Pocket: సముద్రంలో ఎయిర్ పాకెట్.. ఇదేంటో తెలుసా?

సోషల్ మీడియాలో రకరకాల నమ్మశక్యం కాని వీడియోలు తరచూ వైరల్ అవుతుంటాయి. తాజాగా అలాంటి ఓ వీడియో హల్‌చల్ చేస్తోంది. దాన్ని గమనిస్తే... ఓ మహిళ... సముద్రంలో ఉన్నట్లు కనిపిస్తోంది. సముద్రం లోపల ఉన్న ఓ గుహలో రాయి పైన ఆమె ఓ ఎయిర్ పాకెట్‌తో ఆడుకుంటున్నట్లు కనిపిస్తోంది. ఆ పాకెట్‌లో ఆమె చేతులు పెడుతూ, తీస్తూ ఉంది. ఆ ఎయిర్ పాకెట్... పాదరసం (mercury) లాగా మెరుస్తోంది. ఆ వీడియో క్లిప్‌ని రెడ్డిట్ యూజర్ NewFound_Fury.. జులై 5, 2022న షేర్ చేశారు. దాన్ని చూసిన నెటిజన్లు ఆశ్చర్యపోతున్నారు.

What is air pocket:
జనరల్‌గా నీటిలో గాలి బుడగలు ఉంటే... ఆటోమేటిక్‌గా అవి సముద్ర ఉపరితలానికి వచ్చేస్తాయి. కానీ ఒక్కోసారి గాలి నీటి లోపల అట్టడుగున బంధీ అవుతుంది. ఆ గాలి పైకి రాలేదు. అలా దాన్ని రానివ్వకుండా ఏదైనా ఆపుతుంది. అలా బంధీ అయిన గాలినే... ఎయిర్ పాకెట్ (air pocket) అంటారు. దేని వల్ల ఆ గాలి బంధీ అయ్యిందో.. అది తొలగిపోతే... గాలి కూడా బుడగల రూపంలో పైకి వచ్చేస్తుంది.

Google Maps - USO: గ్రీస్ సముద్రంలో వింత వస్తువు.. అదేంటి?
ఇది ఎలా సాధ్యం అని మనకు అనిపించవచ్చు. దీన్ని మనం స్వయంగా ఇళ్లలో చేయవచ్చు. ఓ బకెట్‌లో నీటిని నింపి... ఓ గిన్నెను వెనక్కి తిప్పి... అందులో ఓ నాప్కిన్ ఉంచి... నీటిలోపలికి గిన్నెను బోర్లించినట్లు దింపాలి. ఆ గిన్నె లోపల ఉన్న నాప్కిన్ తడిసిపోదు. ఎందుకంటే దానికి నీరు అంటదు. అంటే అక్కడ ఎయిర్ పాకెట్ ఉన్నట్లే.
viral video: వామ్మో చీతా.. ఏం చేసిందో చూస్తే.. హార్ట్ ఎటాకే!
ఇదే ప్రయోగాన్ని మీరు స్విమ్మింగ్ పూల్‌లో చేస్తే మరో కొత్త విషయం తెలుస్తుంది. గిన్నెలోని ఎయిర్ పాకెట్... స్విమ్మింగ్ పూల్ లో దిగిన ప్రారంభంలో చిన్నగా ఉంటుంది. నీటి అట్టడుగుకి వెళ్లేసరికి చిన్నగా అవుతుంది. తిరిగి నీటిపైకి వస్తున్నప్పుడు పెద్దగా అవుతున్నట్లు కనిపిస్తుంది. ఇందుకు కారణం గాలిలో జరిగే సంకోచ, వ్యాకోచాలే. నీటిలోపలికి వెళ్లే కొద్దీ పీడనం పెరుగుతుంది. అప్పుడు గాలి సంకోచిస్తుంది (compressed). దీన్ని మీరు ఆక్వేరియంలో కూడా చూడొచ్చు. ఆక్వేరియంలో కింద ఉన్న బుడగలు చిన్నగా ఉంటాయి. అవి పైకి వచ్చేసరికి పెద్దగా అవుతుంటాయి. కారణం పీడనం.
4 Lane Coastal Highway: 4 లేన్ తీర ప్రాంత హైవే.. ఫొటోలు షేర్ చేసిన నితిన్ గడ్కరీ
సముద్రాల్లో అట్టడుగున అక్కడక్కడా ఎయిర్ పాకెట్స్ ఉంటాయి. చూడటానికి అవి చాలా చిన్నగా ఉంటాయి. కానీ వాటిలో చాలా గాలి బంధీగా ఉంటుంది. సంకోచం వల్ల అవి చిన్నగా ఉన్నట్లు కనిపిస్తాయి. ఇంతకీ ఈ ఎయిర్ పాకెట్స్ నుంచి గాలిని మనం శ్వాసగా తీసుకోవచ్చా అనేది మరో ప్రశ్న. శాస్త్రవేత్తల ప్రకారం తీసుకోవచ్చు. ఐతే.. ఎయిర్ పాకెట్ చిన్నగా ఉంటే... ఎక్కువ సేపు గాలి తీసుకోవడం కుదరదని అంటున్నారు.