Space Video: అంతరిక్షంలో తడిగుడ్డను పిండితే ఏమవుతుంది?

అంతరిక్షం విచిత్రమైనది. మనం చిన్నప్పుడు భూమి, దాని ఆకర్షణ శక్తి (Gravity Power) సంబంధించి సంవత్సరాల తరబడి చాలా విషయాలు చదువుతాం. తీరా అంతరిక్షంలోకి వెళ్లగానే మనం చదివింది ఒక్కటీ అక్కడ అప్లై కాదు. అక్కడి రూల్సూ, ధర్మాలూ పూర్తిగా వేరు. అందుకే మనకు ఆశ్చర్యం కలుగుతుంది. చాలాసార్లు అంతర్జాతీయ అంతరిక్ష కేంద్రం (International Space Station - ISS)లోని వ్యోమగాములు... రోదసిలో ధర్మాలను వీడియోల రూపంలో వివరిస్తుంటారు. వాళ్లు తినే ఆహారం, తాగే నీరు, వేసుకునే మందులు, వాడే వస్తువులకు సంబంధించి వీడియోలు చేస్తుంటారు. అందులో భాగంగానే కెనడా స్పేస్ ఏజెన్సీ (CSA) కి చెందిన వ్యోమగామి తడి టవల్‌ని అంతరిక్షంలో పిండితే ఎలా ఉంటుందో వివరించారు. (wring a wet towel in space)

ఆస్ట్రోనాట్ కమాండర్ క్రిస్ హాడ్‌ఫీల్డ్... ఓ తడి టవల్‌ని పిండిన పాత వీడియో మరోసారి వైరల్ అయ్యింది. బట్టలు ఉతికాక మనం బట్టల్లో నీరు బయటకు పోవడానికి వాటిని పిండుతాం కదా... అలా ఆయన కూడా ఓ గుడ్డను పిండి చూపించారు. చిత్రమేంటంటే... పిండినప్పుడు గుడ్డ నుంచి నీరు బయటకు వచ్చింది కానీ... అది గుడ్డతోనే ఉంది. ఓ ట్యూబ్‌లా ఏర్పడి ఎటూ వెళ్లకుండా ఉంది. కారణం రోదసిలో గురుత్వాకర్షణ శక్తి లేకపోవడమే (zero gravity).

ట్విట్టర్‌లోని @TansuYegen అకౌంట్‌లో ఏప్రిల్ 28, 2022న ఈ వీడియోని మళ్లీ పోస్ట్ చేశారు. దీన్ని ఒక్క రోజులోనే 3.64 లక్షల మందికి పైగా చూశారు. ఆ వీడియోని ఇక్కడ చూడండి.

స్పేస్ స్టేషన్‌లో పనిచేసే వ్యోమగాములకు మన ఇళ్లలో వాడే టవల్స్ వంటివి ఇవ్వరు. వారికి ప్రతీదీ ప్యాక్ చేసి... వీలైనంత చిన్నగా ఉండేవి ఇస్తారు. తినే ఆహారం, తానే నీరు అన్నీ ప్యాకెట్ల రూపంలోనే లభిస్తాయి. అందువల్ల తాము వాడే టవల్ ఎలా ఉంటుందో... 2013లోనే యూట్యూబ్‌లోని ఓ వీడియోలో వివరించారు క్రిస్ హాడ్‌ఫీల్డ్.

ఆ వీడియోని ఇక్కడ చూడండి.

టవల్ చుట్టూ నీరు అలా ట్యూబులా ఏర్పడటానికి కారణం నీటికి ఉన్న సర్ఫేస్ టెన్షన్ (surface tension) గుణమే. నీటి అణువులు ఒకదానికి ఒకటి కలిసివుంటాయి. వాటిని ఆకర్షణ శక్తి లాగకపోతే... అవి ద్రవరూప జెల్ లాగా ప్రవర్తిస్తాయి. "అప్పుడు మన చేతిలో జిగురు ఉన్నట్లే అనిపిస్తుంది" అని వ్యోమగామి తెలిపారు.
Viral: మనిషిని చంపబోయిన మైక్రోవేవ్.. దానికి దెయ్యం పూనిందా?
కెనడా... నోవా స్కోషియాకి చెందిన ఇద్దరు హైస్కూల్ విద్యార్థులు 2013లో "తడిగుడ్డను రోదసిలో పిండితే ఏమవుతుంది" అని ప్రశ్నించారు. ఆ సందర్భంగా క్రిస్ ఈ వీడియో చేశారు. ఇది ఇప్పటికీ హాట్ వీడియోగానే ఉంది.