లారీల వెనక Horn Ok Please అని ఎందుకు రాస్తారో తెలుసా?

మీరు హైవేపై వెళ్తున్నప్పుడు ఓ పెద్ద లారీ మీ ముందు ఉంటే... దాని వెనక పెద్ద అక్షరాలతో Horn Ok Please అని ఉంటుంది. ఇది తప్పనిసరిగా ఉండాలని కాదు గానీ జనరల్‌గా ఉంటుంది. ఎక్కువగా లారీలు, వ్యాన్ల వంటి పెద్ద వాహనాలకు ఇది ఉంటుంది. చాలా మంది ఈ అక్షరాలు రాసేటప్పుడు ప్రత్యేక ఫాంట్ (Font) వాడుతారు. అంతేకాదు... కలర్‌ఫుల్ పెయింట్స్ వేస్తారు. వాహనం నంబర్ ప్లేట్ కంటే... ఈ అక్షరాలే ఎక్కువ ఆకర్షణీయంగా ఉంటూ బాగా కనిపిస్తాయి (Paintings on Truck's Back). ఈ జనరేషన్‌ లారీలు సాదాసీదాగా ఉంటున్నాయి గానీ... ఓ పాతికేళ్ల ముందైతే... లారీ అంటేనే కలర్‌ఫుల్‌గా ఉండేది. దాని నిండా రకరకాల పెయింటింగ్స్ వేసేవాళ్లు. అవి చాలా అందంగా ఉంటూ... లారీకి అదనపు ఆకర్షణగా నిలిచేవి. ఐతే... ఇప్పటికీ అందరూ వేస్తున్నది మాత్రం Horn Ok Please. కానీ చాలా మందికి అది ఎందుకు రాస్తారో తెలియదు. దానికి మీనింగ్ ఏంటో ఇప్పుడు తెలుసుకుందాం.

Horn Please చాలు:
ఇంగ్లీష్ భాష ప్రకారం... ఆ పదం Horn Please మాత్రమే. అలా రాస్తే సరిపోతుంది. తద్వారా ట్రక్ రోడ్డుపై వెళ్తున్నప్పుడు... దాన్ని ఎవరైనా ఓవర్ టేక్ చెయ్యాలి అనుకుంటే... ముందుగా హారన్ కొడతారు. దాంతో... ముందు బండి నడిపే ట్రక్ డ్రైవర్‌కి తన వెనక మరో భారీ వాహనం వస్తోందనీ... వాళ్లు ఓవర్ టేక్ చెయ్యాలనే ఉద్దేశంతో హారన్ కొట్టారని అర్థం చేసుకుంటారు. వెనక వారికి దారి ఇచ్చేలా... కాస్త సైడ్‌కి బండి నడుపుతారు. దాంతో... వెనక వచ్చే డ్రైవర్... తన వాహనాన్ని ఈజీగా ఓవర్ టేక్ చేస్తారు. అందువల్ల రెండు పెద్ద వాహనాలు రోడ్డుపై పక్క పక్కన వెళ్లినా... ఎలాంటి ప్రమాదమూ జరగకుండా సేఫ్ జర్నీ వీలవుతుంది. అదీ ఈ హార్న్ ప్లీజ్ వెనకున్న ఉద్దేశం.


Ok సంగతేంటి?
ఈ ఓకేని సరదా కోసం రాస్తారని చాలా మంది అనుకుంటారు. "హార్న్ కొట్టు పర్లేదు" అనే ఉద్దేశం వచ్చేలా OK వాడుతున్నారని అనుకుంటారు. కానీ దీని వెనక కూడా ఓ కారణం ఉందని చెబుతారు. అదేంటంటే... పాత రోజుల్లో సింగిల్ రోడ్లు ఉండేవి. ఆ రోడ్లపై చిన్న వాహనాలు నడిపేవారు... తమ ముందు లారీ లాంటి పెద్ద వాహనం ఉంటే... దాన్ని ఓవర్ టేక్ చెయ్యడానికి ఇబ్బంది పడేవాళ్లు. ఎందుకంటే... ఓవర్ టేక్ సమయంలో... అటు నుంచి ఏదైనా వాహనం అదే రోడ్డులో ఎదురుగా వస్తుందో, లేదో తెలిసేది కాదు. తెలుసుకుందామంటే... ముందున్న పెద్దవాహనం రోడ్డంతా ఆక్రమించేది. దాంతో... వెనకున్న వారు... హారన్ కొట్టగానే... ముందు వాహనంలోని డ్రైవర్ Ok అని అర్థం వచ్చేలా... ఓ వైట్ కలర్ బల్బును వెలిగించేవారు. ఆ బల్బ్ వెలిగితే... ఓవర్ టేక్ చేసుకోవచ్చు అని అర్థం. తద్వారా ఎలాంటి ప్రమాదమూ లేకుండా ఓవర్ టేక్ పూర్తయ్యేది.


OKకి మరో అర్థం:
రెండో ప్రపంచ యుద్ధ కాలం (World War II)లో ట్రక్ డ్రైవర్లు... డీజిల్‌లో కిరోసిన్ కలిపేవారు. తద్వారా ప్రయాణంలో డీజిల్ ఖర్చు తగ్గుతుందని భావించేవారు. ఐతే... డీజిల్ కంటే కిరోసిన్ ఎక్కువగా మండే స్వభావం (more flammable) కలిగి ఉంటుంది. అందువల్ల కిరోసిన్ కలిపి బండి నడుపుతున్నట్లైతే... ఆ బండి వెనక OK అని రాసేవారు. ఇక్కడ ఓకే అంటే... ఆన్ కిరోసిన్ (On Kerosene) అని అర్థం. ఈ లెటర్స్ కనిపించగానే... వెనక వాహనంలో వచ్చే డ్రైవర్ జాగ్రత్త పడేవాళ్లు. కిరోసిన్‌తో వెళ్తున్న బండికి మరీ దగ్గరగా వెళ్లకుండా కొంత డిస్టాన్స్ మెయింటేన్ చేసేవాళ్లు. తద్వారా కిరోసిన్ వల్ల ఏదైనా అగ్ని ప్రమాదం జరిగినా... వెనక బండి వాళ్లకు అపాయం కలగకుండా ఉండేందుకు ఇలా OK రాసేవాళ్లు.

నాసా అలర్ట్.. ఈ నెలలో 5 గ్రహశకలాలు.. భూమిని ఢీకొంటాయా?
ఓవర్ టేక్ మీనింగ్ OK:
ఈ ఓకేకి మరో అర్థం కూడా ఉంది. అదే... ఓవర్ టేక్ (OTK). అంటే... హారన్ కొట్టి ఓవర్ టేక్ చెయ్యవచ్చు అని అర్థం వచ్చేలా ఈ ఓకే వాడుతున్నట్లు మరో కోణం ఉంది. ఐతే... OTK బదులు... OK అని రాస్తున్నట్లు చెబుతున్నారు. ఇవన్నీ కరెక్టేనా కాదా అన్నది కచ్చితంగా తెలియదు. వివిధ సందర్భాల్లో వ్యక్తులు చెప్పుకున్నవి, ఇంటర్నెట్‌లో వస్తున్న వాదనలే ఇవన్నీ (Horn Ok Please Theories). వీటిలో ఏది నిజమో, అది కాదో తెలియదు. Horn Ok Pleaseకి అర్థం ఏంటనేది కచ్చితంగా చెప్పలేని పరిస్థితి ఉంది. వాహనాల వెనక రాస్తారు కాబట్టి.. ఓవర్ టేక్ కోసమే అలా రాస్తున్నారని అనుకుంటున్నారు.