ఎస్కలేటర్‌లో ఇరుక్కున్న చిన్నారి చెయ్యి.. బెల్ట్‌తో సహా లోపలికి..

చిన్నారులతో ఎస్కలేటర్ ఎక్కితే ఎంతో జాగ్రత్తగా ఉండాలి. వారిని ఒంటరిగా అస్సలు వదలకూడదు. ఎస్కలేటర్ ఎక్కే ముందు వారికి ఎలా ఎక్కాలి, ఎలా దిగాలో నేర్పాలి. లేకపోతే ఈ చిన్నారిలా ప్రమాదంలో చిక్కుకోవచ్చు. చైనాలో ఓ బాలిక తల్లితో కలిసి ఎస్కలేటర్ ఎక్కింది. దానికి ఉండే బెల్ట్‌ను ఆమె చాలాసేపు పట్టుకుంది. దీంతో ఆ బెల్ట్ ఆమె చేయిని లోపలికి లాగేసింది.

Read also: ఎస్కలేటర్‌‌పై బాలుడి స్టంట్, 30 అడుగుల ఎత్తు నుంచి పడి..

ఆమె చెయ్యి మొత్తం ఎస్కలేటర్ మెట్లపక్కన ఉండే హ్యాండ్‌రైల్‌‌ కిందకి వెళ్లిపోయింది. ప్రమాదం గుర్తించగానే అగ్నిమాక సిబ్బంది, స్థానిక రెస్క్యూ సిబ్బంది వచ్చి హ్యాండ్‌రైల్ కింద ఉండే ప్లాస్టిక్ భాగాన్ని తొలగించి చిన్నారి చేతిని బయటకు తీశారు. చెయ్యి నలిగిపోవడం వల్ల చిన్నారి బాధతో విలవిల్లాడింది. దీంతో ఓ వ్యక్తి ఆమెకు మొబైల్‌లో వీడియో చూపించి ఆ చిన్నారిని బాధను మరిపించే ప్రయత్నం చేయడం గమనార్హం. ఈ ప్రమాదం వల్ల ఆమె చెయ్యి బాగా వాచింది.