Penis Amputated: రెండు రోజులపాటు అంగ స్తంభన.. కీలక భాగాన్ని తొలగించిన వైద్యులు

ఓ వ్యక్తికి రెండు రోజులు పాటు అంగం స్తంభించింది. మంచిదేగా అనుకుంటున్నారా? కానీ, అదే అతనికి నరకం చూపించింది. భరించలేని బాధతో అతడిని ఆసుపత్రిపాలు చేసింది. చివరికి వైద్యులు అతడి అంగంలో కొంత భాగాన్ని కట్ చేయాల్సి వచ్చింది. ఈ ఘటన ఉత్తరప్రదేశ్ రాజధాని లక్నోలో చోటుచేసుకుంది. 52 ఏళ్ల వ్యక్తికి సడన్‌గా అంగం స్తంభించింది. రెండు రోజులైనా అది సాధారణ స్థితికి రాలేదు. పైగా, భరించలేని నొప్పితో అతడిని ముప్పుతిప్పలు పెట్టింది. దీంతో అతడు వైద్యులను సంప్రదించాడు. అది చాలా అరుదైన సమస్య కావడంతో వైద్యులు కింగ్ జార్జ్ మెడికల్ యూనివర్శిటీకి తరలించారు.

ప్రైపిజం (Priapism) అనే అరుదైన సమస్య వల్ల పురుషాగంలోని సిరల్లో రక్తప్రవాహానికి ఆటంకం ఏర్పడుతుంది. దాని వల్ల పురుషాంగం పైభాగం(శిష్నం)లో గ్యాంగ్రెనే (Gangrene) అనే నల్లని పుండు ఏర్పడుతుంది. బాధితుడికి కూడా ఇదే సమస్య ఏర్పడింది. అతడి శిష్నం మొత్తం మృతకణజాలంతో నిండిపోయింది. దీంతో వైద్యులు ఆ భాగాన్ని తీసివేశారు.

దీన్ని సికిల్ సెల్ వ్యాధి అని కూడా అంటారని బీజేఎం కేస్ రిపోర్ట్స్ వెల్లడించింది. ఇది ఏర్పడిన వ్యక్తులకు అంగం స్తంభించి విఫరీమైన నొప్పి ఏర్పడుతుందని పేర్కొంది. అనధికార-అధికార డ్రగ్స్, వయాగ్రా, అంగ స్తంభనకు ఉపయోగించే ఇతర పదార్థాల మూలంగా ఈ వ్యాధి ఏర్పడుతుందని తెలిపింది.

ఈ కేసులో బాధితుడికి చికిత్స అందించిన వైద్యులు షంట్ (రక్త ప్రవాహాన్ని మళ్లించే అతిచిన్న పైపు) ద్వారా పురుషాంగంలో స్తంభించిన రక్తాన్ని తొలగించారు. ఆ తర్వాత అతడిని డిశ్చార్జ్ చేశారు. అయితే, ఇంటికి వెళ్లిన తర్వాత అతడి పురుషాంగంలోని శిష్నం నల్లగా మారిపోయింది. దీంతో వైద్యులు అతడి అంగంలోని మూత్రాశయ కాథెటర్‌ (Urethral catheter)ను తొలగించారు. బాధితుడికి వైద్యం అందించిన డాక్టర్ సకీబ్ మెహదీ మాట్లాడుతూ.. ‘‘మూత్రాశయ కాథెటర్‌ను తొలగించిన తర్వాత కూడా అతడి పురుషాంగంలో పరిస్థితి మారలేదు. అతడి శిష్నం మొత్తం నల్లగా మారిపోయింది. చర్మం కూడా చచ్చుబడిపోయింది. దీంతో వేరే దారి లేక అతడి శిష్నాన్ని తొలగించాల్సి వచ్చింది. మూడు వారాల తర్వాత అతడి పరిస్థితి మెరుగైంది. ఇప్పుడు అతడు మూత్రం పోయగలగుతున్నాడు’’ అని తెలిపారు.