Video: ఆకాశం నుంచి పడిన పాము!.. భయంతో జనం పరుగులు

జనరల్‌గా అడవిలో... పొదలు ఎక్కువగా ఉన్న ప్రాంతాల్లో మనం పాముల్ని చూస్తుంటాం. కొన్ని జాతుల పాములు రాళ్ల కింద దాక్కుంటాయి. మరికొన్ని నూతిలో, చెరువుల్లో కనిపిస్తాయి. అలాంటి చోట పాములు ఉండటం సహజం కాబట్టి మనం అవి కనిపించినా మరీ ఎక్కువ ఆశ్చర్యపోము (Snake video). కానీ రోడ్డుపై జనం తిరిగే చోట పాము కనిపిస్తే... ఇక టెన్షనే. అటూ ఇటూ తిరిగేవారు "పాము పాము" భయపడుతూ ఉంటే... అందరిలోనూ భయం మొదలవుతుంది. అదీ కాక... ఓ భారీ పాము ఆకాశం నుంచి నేలపై పడితే (Snake fly from sky video)... అది మరీ చిత్రంగా ఉంటుంది. ఆ పాము వీడియో ఇప్పుడు వైరల్ అవుతోంది (Snake viral video).

నిజానికి ఈ పాము ఆకాశం నుంచి పడలేదు. కానీ ఈ వీడియోని ట్విట్టర్‌లో పోస్ట్ చేసిన వైరల్ హాగ్ (@ViralHog) వారు... దీనిపై ఆసక్తి కలిగించేందుకు "ఓ భారీ పాము ఆకాశం నుంచి పడింది.. అది నా పీడకల" అని క్యాప్షన్ పెట్టారు. ఈ వీడియోలో పాము నిజమే, మనుషులు నిజమే. వీడియో కూడా నిజమే. కానీ ఆ పాము రోడ్డుపైన వేలాడుతూ ఉన్న వైరుకు చుట్టుకుంది. ఆకాశం నుంచి పడలేదు. కొంత సేపు అలా ఉన్న తర్వాత దాని పట్టు జారింది. దాంతో అది అక్కడి నుంచి రోడ్డుపై పడింది (snake on road video). అప్పటికే దాన్ని చూసి ఆశ్చర్యపోతూ ఉన్న ప్రజలు అది కింద పడగానే.. "వామ్మో పాము" అంటూ పరుగులు తీశారు. చాలా మంది దాన్ని చూసి షాక్ అయ్యారు. కొంత మంది కేకలు వేశారు. కొంత మంది మొబైళ్లలో వీడియో రికార్డ్ చేస్తున్నారు. అదంతా గందరగోళం అయ్యింది.

ఆ వీడియో (viral snake video)ని ఇక్కడ చూడండి:


ఈ పాము ఎప్పుడైతే వైరుపై కనిపించిందో.. పాముల రక్షణ సిబ్బందికి కాల్స్ వెళ్లాయి. అది రోడ్డుపై జారి పడినప్పుడు వారు అక్కడే ఉన్నారని తెలిసింది. అందువల్ల వారు దాన్ని సురక్షిత ప్రాంతానికి తీసుకెళ్లి ఉంటారు. అది భారీ కొండ చిలువ అని తెలుస్తోంది. కాకపోతే... చీకట్లో అది అలా పడటం చాలా మందికి షాక్‌లా అనిపించింది.

వామ్మో.. మహిళ ఇంట్లో 90 పాములు.. అన్నీ రాటిల్ స్నేక్స్... డేంజరస్
అక్టోబర్ 15న పోస్ట్ చేసిన ఈ వీడియోని ఇప్పటికే 34వేల మందికి పైగా చూశారు. అడవులు, జూలో తప్ప కనిపించని కొండచిలువ ఇలా వైరుకు వేలాడుతూ కనిపించడం నిజంగానే కాసేపు పీడకలలా ఫీలయ్యారు ప్రజలు.