విద్యార్థి ఆన్సర్ షీట్ చూసి టీచర్ కోమాలోకి!... ఏం రాశావురా!

విద్యార్థుల్లో బాగా చదివేవారుంటారు... స్లిప్‌లతోనైనా పాస్ అవ్వాలి అనుకునేవారూ ఉంటారు. మెరిట్ స్టూడెంట్లతో ఏ సమస్యా ఉండదేమోగానీ... చదువులో వెనకబడేవారితో ఇబ్బందులు తప్పవు. వారి ఆలోచనలు భిన్నంగా ఉంటాయి. కొంత మంది విద్యార్థులు... ప్రశ్నాపత్రంలోని అన్ని ప్రశ్నలకూ ఆన్సర్ షీటులో ఆన్సర్లు రాస్తారు. ఇలా ఎందుకంటే... ఏదైనా ప్రశ్న తేడాగా పడి... దానికి మార్కులు ఇచ్చే అవకాశం ఉంటే... ఆ మార్కులు తమకు వస్తాయనే ఉద్దేశంతో అలా చేస్తారు. ఇదే విధంగా కాకపోయినా... కొంత వరైటీగా ఓ విద్యార్థి రాసిన ఆన్సర్ షీట్ వైరల్ అయ్యింది. (Viral copy of Student) అందులో ఏం రాశాడో చూస్తే మీరు రోజంతా నవ్వుతారు.

ఆ విద్యార్థి రాసిన ఆన్సర్ (Test Sheet gone Viral) మీరు చదవడం మొదలుపెట్టినప్పుడు మీకు ఎలాంటి సమస్యా ఉండదు. మొదటి రెండు లైన్ల వరకూ మీకు బాగానే ఉంది కదా అనిపిస్తుంది. ఆ తర్వాత మైండ్ బ్లాంక్ అవుతుంది. ఆన్సర్ చివర బాగానే ముగించాడు. (Viral Answer Sheet) మధ్యలో మాత్రమే కోమా వచ్చే రేంజ్‌లో రాశాడు. సో... మధ్యలో ఏం రాశాడో చూద్దాం.

భాక్రా నంగల్ డ్యామ్ మొదలు రెండో ప్రపంచ యుద్ధం వరకు:
ఇన్‌స్టాగ్రామ్‌లో fun_ki_life అనే అకౌంట్‌లో ఈ సమాధాన పత్రాన్ని పోస్ట్ చేశారు. ఇందులో హిమాచల్ ప్రదేశ్‌లోని భాక్రా నంగల్ ప్రాజెక్ట్ గురించి అడిగినట్లు తెలిసింది. దీనికి సమాధానం ఇస్తూ ఆ విద్యార్థి... ఈ డ్యామ్‌ను సట్లెజ్ నదిపై నిర్మించారని చెప్పాడు. అది నిజమే. ఆ తర్వాత... సర్దార్ పటేల్, టాటా-బైబై, పండిట్ జవహర్ లాల్ నెహ్రూ, రోజా పూల పెంపకం, షుగర్, లండన్, జర్మనీ, రెండో ప్రపంచ యుద్ధం వంటి అంశాలపై రాశాడు. రెండో పేజీ వరకూ సమాధానం రాశాడు. చివర్లో మళ్లీ పంజాబ్ వైపు వెళ్లి... సట్లెజ్ నది గురించి రాస్తూ... డ్యామ్‌తో ముగించాడు.

కోమాలో ఉన్న టీచర్!
ఇదంతా చదివిన టీచర్‌ షాక్ అయ్యారు. 10కి సున్నా మార్కులు ఇచ్చారు. అంతేకాదు... ఆ టీచర్... ఆన్సర్ దగ్గర ఓ డైలాగ్ రాశారు.. "టీచర్ కోమాలో ఉన్నారు" అని రాశారు. నిజంగా కోమాలోకి వెళ్లకపోయినా... ఇలాంటిది చదివితే... కోమాలోకి వెళ్లడం ఖాయమనే అర్థం వచ్చేలా అలా రాశారు.


దీన్ని చదివిన నెటిజన్లు కూడా ఫన్నీ కామెంట్లు పెడుతున్నారు. "ఒక ఆన్సర్‌లో చరిత్ర, భౌగోళికం, కళలు, సాహిత్యం అన్నీ చెప్పగలరా... అన్ని చెప్పే విద్యార్థి ఏ టీచర్‌కి దొరుకుతారు" అని ఒకరు కామెంట్ ఇవ్వగా... ఈ ఆన్సర్ రాసిన విద్యార్థికి 21 ఫిరంగులతో వందనం చెయ్యాలి అని మరో యూజర్ స్పందించారు.
Video: వామ్మో.. ఆ క్షణం అతను రాకపోయి ఉంటే..!
"ఇతను తెలివైన విద్యార్థి కాబట్టే... ప్రారంభం, చివరలకు సరైన ఆన్సర్ ఇచ్చాడు" అని మరొక యూజర్ కామెంట్ ఇవ్వగా... "అతను తన క్రియేటివిటీ చూపించాడు" అని మరో యూజర్ కామెంట్ ఇచ్చారు.