డేంజరస్ రాటిల్ స్నేక్.. పట్టి బకెట్లో పెట్టాడు.. వీడియోకి 3 లక్షల వ్యూస్

పాములు మన కళ్లను మోసం చెయ్యగలవు. ఎలాగంటే... ఏదైనా పాము పాకుతూ వెళ్తున్నప్పుడు మీరు దాన్ని చూస్తుండగానే... అది అలా వెళ్లిపోతుంది. కళ్లముందే మాయమవుతుంది. ఏ తుప్పలలోకో దూరిపోతుంది. అది కదులుతూ ఉన్నా... దాని బాడీ కదలికల్లో మార్పు ఉండదు. వంపులు స్థిరంగా ఉంటాయి. ఇలా సడెన్‌గా వెళ్లిపోయే ఈ పాముల్లో చాలావరకూ విషపూరితమైనవి ఉంటాయి. ముఖ్యంగా రాటిల్ స్నేక్‌ (Rattle snake)తో జాగ్రత్తగా ఉండాలి. అది కాటు వేస్తే వెంటనే చనిపోరు గానీ ట్రీట్‌మెంట్ తప్పనిసరి. దాని కాటును నిర్లక్ష్యం చేస్తే... అది రకరకాల అనారోగ్యాలకు దారితీయగలదు. చివరకు ప్రాణాలు కూడా పోగలవు (venomous Snake).

పాముల సంరక్షకులు వాటిని పట్టుకోవడంలో ఆరితేరి ఉంటారు. అయినప్పటికీ ఒక్కోసారి వాళ్లు కూడా పాముకాటుకు బలవుతుంటారు. రాటిల్ స్నేక్ ఈజీగా జారిపోతూ ఉంటుంది. త్వరగా లొంగదు. ఎక్కువ సేపు గింజుకునే రకం. దాన్ని పట్టుకోవలంటే చెమటలు పట్టక తప్పదు. అలాంటి పాము ఓ ఇంట్లోకి వచ్చింది. ఈ విషయం తెలుసుకున్న పాముల రక్షకుడు ఆ ఇంటికి వచ్చాడు. విదేశాల్లో పోలీసులు ఎలాగైతే... యూనీఫామ్‌తో జబర్దస్త్‌గా ఉంటారో... అతని కూడా అలాగే ఫుల్ సరంజామాతో వచ్చాడు. ఓ చేత్తో బకెట్టు, మరోచేత్తో పామును పట్టుకునే పరికరంతో వచ్చి చూస్తే... మెట్లపై పాము కనిపించింది.

పామును అతి జాగ్రత్తగా పట్టి బకెట్‌లో వేశాడు. కానీ అది కుదురుగా ఉంటేగా... బకెట్‌ను అటూ ఇటూ కదిపేసింది. తోక చివర జుయ్ (Rattle sound) మని శబ్దం చేస్తూ... అటూ ఇటూ కదులుతూనే ఉంది. దాన్ని బలవంతంగా నొక్కి... బకెట్ మూతపెట్టడంలో సక్సెస్ అయ్యాడు. ఈ 1.36 నిమిషాల వీడియోను ఇన్‌స్టాగ్రామ్‌ లోని bviral అకౌంట్‌లో పోస్ట్ చేశారు. దీనికి ఇప్పటికే 3 లక్షల మందికి పైగా చూశారు.

వీడియోని ఇక్కడ చూడండి

నెటిజన్లలో ఈ పాము సంగతి తెలిసిన వారు.. ఇది ఫన్ కాదు చాలా డేంజరస్ అని అంటుంటే... కొంతమంది ఈ వీడియో ఫన్నీగా ఉంది అంటున్నారు. రాటిల్ పాముల్లో 30 రకాల జాతులున్నాయి. వీటి తోక చివర ఇవి జుయ్ మని శబ్దం చేస్తాయి. ఆ శబ్దాన్ని బట్టీ ఇది రాటిల్ స్నేక్ అని గుర్తించవచ్చు. ఎలుకల వంటి వాటిని ఆకర్షించేందుకు ఈ పాములు ఈ శబ్దం చేస్తాయి. అలాగే తమ జోలికి ఏ జీవులూ రాకుండా ఉండేందుకు హెచ్చరిక లాగా కూడా ఈ శబ్దం చేస్తాయి.