67 ఏళ్లుగా స్నానం చేయని పెద్దమనిషి.. కుళ్లిన మాంసమే ఆహారం, ఎందుకంటే..

అతడి పేరు అమౌ హజీ. వయస్సు 87 ఏళ్లు. 20 ఏళ్ల వయస్సు నుంచే అతడు స్నానం చేయడం మానేశాడు. అతడిని సడన్‌గా చూస్తే.. విగ్రహం అనుకుంటారు. ఇరాన్‌లోని దేజ్గా‌ అనే గ్రామంలో నివసిస్తున్న హాజీని ప్రపంచంలోనే అత్యంత అపరిశుభ్ర వ్యక్తిగా పరిగణిస్తున్నారు. అతడు కేవలం పరిశుభ్రత విషయంలోనే కాదు.. తినే ఆహారం విషయంలో కూడా అంతే ‘డర్టీ’గా ఉంటాడు.

హజీ కేవలం చనిపోయిన జంతువుల కుళ్లిన మాంసాన్ని తినడానికి మాత్రమే ఇష్టపడతాడు. అదే అతడు రోజూ తీసుకొనే ఆహారం. హజీకి స్మోకింగ్ అంటే చాలా ఇష్టం. అయితే, అతడు పీల్చేది పొగాకు కాదు.. జంతువుల మలాన్ని. బాగా ఎండిపోయిన మలాన్ని తుప్పు పట్టిన పైపులో వేసుకుని మరీ అతడు స్మోక్ చేస్తాడు. మరి, హజీ ఎందుకు ఇలా జీవిస్తున్నాడు? అతడి జీవితంలో ఏమైంది?

హాజీకి నీళ్లంటే భయం. స్నానం చేస్తే అనారోగ్యానికి గురవ్వుతాననే భయం.. ఫోబియాగా అతడికి మారింది. అంతే.. అప్పటి నుంచి నీటి చుక్క కూడా తన శరీరంపై పడకుండా జాగ్రత్తపడుతున్నాడు. 20 ఏళ్ల వయస్సులోనే హజీ ఒంటరిగా జీవించాలని నిర్ణయించుకున్నాడు. అప్పటి నుంచి తలపై యుద్ధంలో సైనికులు పెట్టుకొనే హెల్మెట్ ధరిస్తున్నాడు. చలికాలంలో అది అతడిని వెచ్చగా ఉంచుతుందట.
పురుషాంగం రూపంలో కేక్.. అతిథులు షాక్, మహిళ అరెస్ట్!అతడి కోసం జనాలు ఇటుకలతో చిన్న గూడు కట్టారు. అయితే, అతడు అందులో ఉండకుండా నేలపై గోతులు తవ్వి.. అందులోనే నివసిస్తు్న్నాడు. స్నానమైతే చేయడ సరే.. కనీసం నీళ్లైనా తాగడా అనే సందేహం మీలో కలగవచ్చు. ఈ విషయంలో అతడికి ఎలాంటి భయాలు లేవు. రోజుకు కనీసం ఐదు లీటర్ల నీటిని గడగడా తాగేస్తాడు. హాజీ తన జుట్టును మనలా కత్తెరతో కాకుండా నిప్పుతో కత్తిరించుకుంటాడు. హాజీ చిత్రాలను ఈ కింది ట్వీట్లో చూడండి.
ఈ లోకంలో హాజీ మాత్రమే కాదు. అతడిలా స్నానం చేయకుండా టైంపాస్ చేసేవారు ఇంకా చాలామందే ఉన్నారు. అయితే, దీర్ఘకాలికంగా దాన్ని అలవాటు చేసుకొనే వ్యక్తులు చాలా అరుదు. మన దేశంలో వారణాసికి చెందిన గురు కైలాశ్ సింగ్ అనే వ్యక్తి పెళ్లి తర్వాత.. 1974 నుంచి స్నానం చేయడం లేదు. ఓ పండితుడు.. నువ్వు స్నానం చేయకపోతే మగ పుడతాడని చెప్పడంతో దాన్ని అమలు చేశాడు. అయితే, అతడికి వరసుగా ఏడుగురు ఆడ పిల్లలు పుట్టడం గమనార్హం. మరి, ఇప్పటికీ అతడు స్నానం చేస్తున్నాడా లేదా అనేది ఇంకా తెలియాల్సి ఉంది.