కారును ఎత్తిపడేసిన ఖడ్గమృగం.. మూడు పల్టీలు కొట్టించి మరీ దాడి

జర్మనీలోని సరంగెటీ పార్క్‌లో ఖడ్గ మృగం విధ్వంసం సృష్టించింది. జంతువులకు ఆహారం, నీరు సరఫరా చేసే యానిమల్ కీపర్ కారుపై దాడి చేయడమే కాకుండా.. ఆగ్రహంతో ఎత్తిపడేసింది. కారును మూడు పల్టీలు కొట్టించింది. ఈ ఘటనలో యానిమల్ కీపర్ ప్రాణాలతో బయటపడ్డాడు. గాయాలతో ఆసుపత్రిలో చికిత్స పొందుతున్నాడు.

ఖడ్గమృగం దాడి వీడియో సోషల్ మీడియాలో వైరల్‌గా మారింది. అది దాని ముందు ఉండే కొమ్ముతో కారును ఒక్క ఉదుటున బోల్తా కొట్టించింది. బంతితో ఆడుతున్నట్లుగా కారును పల్టీ కొట్టించింది. ఆ వీడియోపై మీరూ ఒక్క లుక్కేయండి.