viral video: జలపాతం దగ్గర జారిపడ్డాడు.. తర్వాత ఏమైందో తెలుసా?

సాహసాలు చెయ్యడం తప్పు కాదు... కానీ కీడెంచి మేలెంచాలి... ప్రమాదం జరిగితే ఏంటి పరిస్థితి అన్న ప్లాన్ బీ మైండ్‌లో ఉండాలి. అది లేకుండా ఏం చేసినా ప్రమాదమే. చైనా (China)... సుసాంగ్ కౌంటీలోని... జియుజింగౌ జలపాతం దగ్గర జరిగిందీ ఘటన. ఓ కుర్రాడు... జలపాతంపై ఉన్న రాళ్లపై నుంచి గెంతుతూ వెళ్లాలని అనుకున్నాడు. అతను ఆ స్టంట్ చేస్తున్నప్పుడు... కొంతమంది కుర్రాళ్లు... జలపాతం కింద చూస్తూ ఉన్నారు. పైన ఉన్న కుర్రాడు... చెంగుచెంగున గెంతుతూ... జలపాతంపై నుంచి వెళ్లాడు. కొన్ని క్షణాల్లోనే షాకింగ్ దృశ్యం కనిపించింది. (waterfall terrible video)

జలపాతం రాళ్లపై కాలు జారడంతో... పడిపోయిన అతను... అక్కడి నుంచి కిందకు సర్రున జారి... అక్కడి రాళ్లపై పడ్డాడు. వెంటనే మిగతా కుర్రాళ్లు అతన్ని పట్టుకొని... కాపాడారు. లక్కీగా అతనికి స్వల్ప గాయాలే అయ్యాయి. (man slips at waterfall)

నిజానికి ఆ జలపాతం దగ్గరకు వెళ్లేందుకు నిషేధం (prohibited area) ఉంది. దాని సమీపంలో హెచ్చరిక బోర్డులు కూడా ఉన్నాయి. కానీ ఆ కుర్రాడు... ఏం కాదు అనుకుంటూ వెళ్లి... స్టంట్ చేయబోయి బోర్లా పడ్డాడు.

దీనికి సంబంధించిన వీడియోని ట్విట్టర్ లోని @SCMPNews అకౌంట్‌లో మే 18, 2022న పోస్ట్ చేశారు. దీన్ని ఇప్పటివరకూ 7వేల మందికి పైగా చూశారు.

ఆ వీడియోని ఇక్కడ చూడండి (viral video)

ఇది చూసిన నెటిజన్లు తమ అభిప్రాయాలు చెబుతున్నారు. "కొంతమంది తేడాగా ఉంటారు. వద్దు అన్నది చేస్తారు. ఇతను అలాగే చేశాడు. తగిన శాస్తి జరిగింది" అని ఓ యూజర్ కామెంట్ ఇవ్వగా... "అందుకే మనం హెచ్చరిక బోర్డులకు విలువ ఇవ్వాలి" అని మరో యూజర్ కామెంట్ ఇచ్చారు. "స్టుపిడ్ గేమ్స్ ఆడితే.. స్టుపిడ్ ప్రైజ్‌లే వస్తాయి" అని మరో యూజర్ స్పందించారు.
ఉక్రెయిన్‌పై లేజర్ వెపన్‌ని రంగంలోకి దింపిన రష్యా.. మోస్ట్ పవర్‌ఫుల్
ఈ సందర్భంగా ఓ విషయం మనం గుర్తుచేసుకోవాలి. జలపాతాల దగ్గర రాళ్లు నున్నగా ఉంటాయి. వాటిపై సన్నటి పాకుడు లాగా నాచు ఏర్పడుతుంది. ఆ రాళ్లపై కాలు వెయ్యగానే జారిపోతుంది. కాబట్టి... జలపాతాల దగ్గరకు వెళ్లేవారు... ప్రతీ అడుగునూ అప్రమత్తంగా వెయ్యాలి. కాలు వేసే రాయి కదిలితే... ఎలా అన్నది ముందే ఆలోచించుకోవాలి. ఎందుకంటే కొన్ని రాళ్లు కాలు వెయ్యగానే కదులుతాయి. దాంతో బ్యాలెన్స్ తప్పే ప్రమాదం ఉంటుంది.
జులైలో భూమికి ఏలియన్స్.. తర్వాత ఉల్క దాడి.. మరో టైమ్ ట్రావెలర్ ప్రకటన
గతేడాది అక్టోబర్‌లో ఇలాగే ఓ వ్యక్తి కెనడాలోని... గోల్డెన్ ఇయర్స్ వాటర్‌ఫాల్‌లో జారిపడ్డాడు. అది అత్యంత చల్లటి నీరు. అదే సమయంలో ఐదుగురు సిక్కులు తమ తలపాగాలను తాడుగా మలచి... అతనికి విసిరి కాపాడారు. ఆ తర్వాత రెస్క్యూ టీమ్ వచ్చి.. అతన్ని ఆస్పత్రికి తీసుకెళ్లింది.