పాపం పసివాడు.. మైనస్ 20 డిగ్రీల చలిలో గడ్డకట్టి దుర్మరణం, తల్లే విలన్!

చలికాలంలో పసిబిడ్డలను ఎంతో జాగ్రత్తగా చూసుకోవాలి. లేకపోతే.. ఇన్ఫెక్షన్లు, బ్యాక్టీరియాలో అతి త్వరగా సోకి అనారోగ్యానికి గురయ్యే ప్రమాదం ఉంది. కానీ, ఆ తల్లి.. తన బిడ్డను ఏకంగా చలిలో వదిలిపెట్టి చంపేసింది. ఆమె మతిమరపు వల్ల ఆ బిడ్డ మైనస్ 20 డిగ్రీల చలిలో నరకయాతన అనుభవించాడు. చివరికి ప్రాణాలు కోల్పోయాడు.

ఈ దయనీయ ఘటన రష్యాలోని ఖబరోవ్స్క్ ప్రాంతంలో చోటుచేసుకుంది. పోలీసులు తెలిపిన వివరాల ప్రకారం.. 40 ఏళ్ల మహిళ తన ఏడు నెలల పసిబిడ్డకు కాస్త తాజా గాలి తగులుతుందనే ఉద్దేశంతో బగ్గీ‌లో పడుకోబెట్టి బాల్కానీలో వదిలిపెట్టింది. ఆ తర్వాత ఇంటి పనుల్లో మునిగి బిడ్డను మరిచిపోయింది. ఇంట్లోనే ఉయ్యాలలోనే ఉందనుకుని బిడ్డను పట్టించుకోలేదు.

Also Read: ఓ మై గాడ్.. మూడో అంతస్తు గోడ కొనపై చిన్నారి నడక, ఒళ్లు జలదరించే వీడియో!

సుమారు ఐదు గంటల తర్వాత అసలు విషయం గుర్తొచ్చింది. బాల్కానీలో ఉన్న బిడ్డ పరిస్థితి చూసి షాకైంది. మైనస్ 20 డిగ్రీల ఉష్ణోగ్రతలో ఆ బిడ్డ మంచు ముద్దలా మారాడు. శ్వాస నిలిచిపోయి గడ్డకట్టేశాడు. వెంటనే హాస్పిటల్‌కు తీసుకెళ్లినా.. ఫలితం దక్కలేదు. ఆ బిడ్డ అప్పటికే తుదిశ్వాస విడిచాడు. దీంతో పోలీసులు బాధ్యతరాహిత్యంగా వ్యవహరించిన తల్లిని అరెస్టు చేశారు.

Also Read: చోరీ చేసి, యువతి దుప్పట్లోకి దూరి.. నగ్నంగా నిద్రపోయిన దొంగ

చలికాలం నేపథ్యంలో పసిబిడ్డలను బయటకు వదలవద్దని ఇప్పటికే ఖబరోవ్స్క్ ప్రభుత్వం హెచ్చరికలు జారీ చేసింది. ఆదేశాలను పెడచెవిని పెట్టి, బిడ్డ మరణానికి కారణమైన ఆమెపై కఠిన చర్యలు తీసుకోవాలని అధికారులు పేర్కొన్నారు. పిల్లలు ఏ క్షణంలో ఎక్కడ ఉంటున్నారో తెలుసుకోవడం పెద్దల బాధ్యతని, వారిని ప్రమాదాల్లోకి నెట్టవద్దని హెచ్చరించారు.