video: బైక్‌ని ఇలా కూడా వాడొచ్చా! వేరుశనగ ఒలిచేందుకు లైఫ్ హ్యాక్

కొత్త విషయాలు తెలుసుకోవడానికీ, నేర్చుకోవడానికీ ఈ రోజుల్లో సోషల్ మీడియా బాగానే ఉపయోగపడుతోంది. ముఖ్యంగా లైఫ్ హ్యాక్స్ (life hacks) ఐడియాలు ప్రజలకు బాగా ఉపయోగపడుతున్నాయి. ఒక చిన్న ఐడియా ఎంతో మందికి మేలు చేస్తుంది. ఒకరి మైండ్‌లో పుట్టే ఆలోచన మరెందరికో ప్రయోజనం కలిగిస్తుంది. అలాంటి ఓ సింపుల్ టెక్నిక్ ఇప్పుడు నెటిజన్ల హృదయాల్ని దోచుకుంటోంది. ఆ వీడియోని చూసిన వారు ఐడియా అదుర్స్ అంటున్నారు. ఆ వీడియోని మరింత మందికి షేర్ చేస్తున్నారు. ముఖ్యంగా రైతులకు ఈ హ్యాక్ బాగా ఉపయోగపడుతోంది.

వేరుశనగ మొక్కకు వేర్లకే కాయలు కాస్తాయి. వాటిని ఒలవడం అనేది పెద్ద సమస్య. ఎందుకంటే ఒక్కొక్కటీ ఒలవాలంటే చాలా టైమ్ పడుతుంది. గుత్తుగా ఒలిచేద్దామంటే వేర్లు అడ్డొస్తాయి. ఈ సమస్యకు రైతులు ఓ టెక్నిక్ (simple idea) కనిపెట్టారు. అది చాలా చిన్నది. కానీ అందరికీ నచ్చుతోంది. అదే బైక్ హ్యాక్.

సామి బాహుబలి!.. తలపై బైక్ మోశాడు.. వైరల్ వీడియో
ఇందులో కొందరు రైతులు పొలం గట్టుపై ఓ బైక్‌ని ఆన్ చేసి ఉంచారు. బైక్ వెనక చక్రం తిరుగుతూ ఉంది. అప్పుడు వేరుశనగ మొక్కల వేర్లను చక్రంలోపలికి పోనిస్తున్నారు. దాంతో చక్రం తిరుగుతుంటే.. వేరుశనగ కాయలు విడిపోయి కింద పడిపోతున్నాయి. అలా క్షణాల్లో కాయలన్నీ వచ్చేస్తున్నాయి. కష్టమైన పని క్షణాల్లో పూర్తవుతోంది. అలాగే కాయలకు అంటుకున్న మట్టి కూడా పోతోంది.

ఆ ఆసక్తికర వీడియో (viral video)ని ఇక్కడ చూడండి

ఈ ప్రయోజనకర వీడియోని ఇన్‌స్టాగ్రామ్‌లో jugaadu_life_hacks పోస్ట్ చేసింది. ఐతే రైతులు ఈ పని చేసేటప్పుడు చక్రంలోకి చేతుల వేళ్లు వెళ్లకుండా జాగ్రత్తపడాలి. అప్రమత్తంగా ఉండాల్సిన అవసరం ఉంది.
World Heart day: గుండెకు మేలుచేసే 7 మసాలాలు.. తప్పక వాడండి
మొత్తంగా పని వేగంగా, ఈజీగా పూర్తయ్యేందుకు ఈ రైతులు చేస్తున్న లైఫ్ హ్యాక్ ఎంతో మందికి ఉపయోగపడనుంది. అందుకే ఈ వీడియో అందరికీ నచ్చుతోంది. ప్రతి ఒక్కరూ దీన్ని ఆసక్తిగా చూస్తున్నారు. దేశవ్యాప్తంగా వేరుశనగ పంటను పండించే రైతులంతా ఈ టెక్నిక్ ఉపయోగించవచ్చని నెటిజన్లు అంటున్నారు.