అంగంలో 31 అయస్కాంతాలు, 70 రోజులుగా బాలుడు నరకయాతన!

12 ఏళ్ల బాలుడు కొద్దిరోజులుగా పొత్తి కడుపులో నొప్పితో బాధపడుతున్నాడు. దీంతో అతడి తల్లిదండ్రులు హాస్పిటల్‌లో చేర్చారు. వైద్యులు తొలుత అది సాధారణ గాస్ట్రోఇంటస్టినల్ (Gastrointestinal) సమస్యగా భావించారు. ఎన్ని పరీక్షలు చేసినా ఆ నొప్పి ఎందుకు వస్తుందో తెలుసుకోలేకపోయారు. చివరికి ఆ బాలుడు చెప్పిన అసలు విషయం విని ఆశ్చర్యపోయారు. అతడు తన అంగంలోకి మ్యాగ్నెట్ బాల్స్ (అయస్కాంత బంతులు) దండను చొప్పించుకున్నానని చెప్పాడు.

Also Read: వ్యక్తి కంట్లో ఏలిక పాము.. 12 ఏళ్ల తర్వాత వెలికితీత, కుక్క కరవడంతో..

ఈ ఘటన చైనాలోని హుబాయ్ రాష్ట్ర రాజధాని ఉహాన్‌లో చోటుచేసుకుంది. మ్యాగ్నెట్ బాల్స్ దండతో ఆటలాడే ఆ బాలుడు ఓ రోజు దండ మొత్తాన్ని అంగంలోని మూత్రం పోసుకునే రంధ్రం నుంచి లోనికి చొప్పించాడు. దండ మొత్తం లోపలికి వెళ్లి ఇరుక్కోవడంతో దాన్ని బయటకు తీయలేక ఇబ్బంది పడ్డాడు. తల్లిదండ్రులకు చెబితే తిడతారనే ఉద్దేశంతో దాన్ని అలాగే ఉంచేశాడు.
దండ అంగంలో చిక్కుకోవడం వల్ల మూత్రం పోసుకోడానికి ఎంతో ఇబ్బందిపడేవాడు. దీనివల్ల అతడి పొత్తికడుపులో తీవ్రమైన నొప్పి వచ్చేది. పలుసార్లు వైద్యులను సంప్రదించినా.. అసలు ఈ విషయం చెప్పలేదు. దీంతో వైద్యులు సాధారణ నొప్పిగా భావించి మందులు రాసి ఇచ్చేవారు. అయితే రెండు నెలలు అవుతున్నా అతడికి నొప్పి తగ్గకపోవడంతో ఉహాన్ చిల్డ్రన్ హాస్పిటల్‌‌కు తీసుకెళ్లారు. అక్కడ కూడా వారికి నొప్పికి గల కారణాలు తెలియలేదు. దీంతో వైద్యులు.. అతడి తల్లిదండ్రులను బయటకు పంపి అసలు ఏదైనా చేయకూడని పనులు చేశావా అని ఆరా తీశారు. దీంతో ఆ బాలుడు అసలు విషయం చెప్పాడు. 70 రోజుల కిందట తాను దండను అంగం లోపల పెట్టుకున్నానని తెలిపాడు.

Also Read: షాకింగ్.. పాముతో స్కిప్పింగ్ ఆడిన చిన్నారులు, వీడియో వైరల్

వైద్యులు ఎక్స్‌రే తీయగా ఆ దండ అంగం లోపల ఇరుక్కుపోయి ఉండటాన్ని గమనించారు. మొత్తం 31 బంతులు ఉన్నట్లు కనుగొన్నారు. అయితే, వాటిని బయటకు తీయడం చాలా కష్టమని భావించారు. సర్జరీకి బదులుగా గాలితో అంగాన్ని ఉబ్బేలా చేసి బయటకు తీయాలని నిర్ణయించారు. చివరికి వైద్యలు ప్రయత్నం ఫలించింది. మొత్తం 31 బంతుల దండను విజయవంతంగా బయటకు తీశారు. ప్రస్తుతం ఆ బాలుడు కోలుకుంటున్నాడని వైద్యులు తెలిపారు. అవి అయస్కాంత బందుతులు కావడం వల్ల బయటకు లాగడం కష్టమైందన్నారు. చూశారుగా.. మీ పిల్లలకు చిన్న చిన్న వస్తువులు ఇచ్చేప్పుడు జాగ్రత్తగా ఉండండి. లేకపోతే ఇలాంటి సమస్యలే ఏర్పడతాయి.