సూపర్ మ్యాన్ దుస్తులు వేసుకుని.. బస్సుకు ఎదురెళ్లాడు, ఆ తర్వాత ఏం జరిగిందో చూడండి

పిల్లలు, పెద్దలు ఎంతగానో ఇష్టపడే కామిక్ సూపర్ మ్యాన్. ఈ పాత్రతో వచ్చిన ‘సూపర్ మ్యాన్’ ధారావాహికలు, చిత్రాలన్నీ సూపర్ హిట్ సాధించాయి. విమానాలను సైతం చేతులతో ఎత్తేయడం, రైళ్లను ఒట్టి చేతులతో ఆపి ప్రమాదాల నుంచి రక్షించడం సూపర్ మ్యాన్ పాత్రకు ఉన్న ప్రత్యేకత. ఆ సీన్లు ఎప్పుడు ప్రజల కళల్లో కదలాడుతూనే ఉంటాయి. అయితే, ఇటీవల బ్రెజిల్‌కు చెందిన లుయీజ్ రిబైరో డి గ్రాండే అనే కమెడియన్ సూపర్ మ్యాన్ వేషంలో హడావిడి చేశాడు. రోడ్డు మధ్యలోకి వెళ్లి బస్సును ఒట్టి చేతులతో ఆపేస్తానంటూ ఓవర్ యాక్షన్ చేశాడు. ఆ తర్వాత ఏం జరిగిందో చూడండి.

లూయీజ్ ముందుగానే ప్లాన్ చేశాడా లేదా నిజంగానే రోడ్డు మీదకు వెళ్లి బస్సును ఒట్టి చేతులతో ఆపేయాలని ప్రయత్నించాడా అనేది తెలియదుగానీ.. ఈ ఘటనలో మాత్రం అతడికి దిమ్మతిరిగే చేదు అనుభవం ఎదురైంది. చావు తప్పి కన్ను లొట్టపోయింది. సూపర్ మ్యాన్ డ్రస్ వేసుకోగానే బోలెడంత బలం వచ్చేసిందని అనుకున్నాడో ఏమో.. రోడ్డు మధ్యలోకి వెళ్లి తన పవర్ చూపించాలని అనుకున్నాడు. వేగంగా వస్తున్న బస్సును చేతులతో అడ్డుకోడానికి ప్రయత్నించాడు. అయితే, ఆ బస్సు ఆగకపోగా.. అతడిని ఢీకొట్టింది. లక్కీగా డ్రైవర్ సమయానికి బ్రేక్ వేయడం వల్ల అతడు ఎగిరిపడలేదు. కానీ, బస్సు మాత్రం అతడిని తాకింది.

భయపడితే పరువు పోతుందని భావించిన అతడు.. షాక్ నుంచి తేరుకుని బిల్డప్ ఇవ్వడం మొదలుపెట్టాడు. ‘‘చూశారా.. బస్సు గుద్దినా నాకు ఏమీ కాలేదు. ఇప్పుడు నేను నిజంగానే ఉక్కు మనిషిని’’ అని అంటూ తన సెల్ఫీ వీడియోను కొనసాగించాడు. ఆ తర్వాత బతుకు జీవుడా అంటూ అక్కడి నుంచి వెళ్లిపోయాడు. అయితే, ఈ ప్రమాదం తన తప్పిదం వల్లే చోటుచేసుకుందని, డ్రైవర్ తప్పులేదని లూయీస్ తెలిపాడు. ఆ దేవుడే తనని రక్షించాడని తెలిపాడు. ఈ ఘటనపై బస్సు యాజమాన్య సంస్థ స్పందిస్తూ.. ట్రాఫిక్‌లో తిరుగుతున్నప్పుడు జాగ్రత్తగా ఉండాలని, లేకపోతే ప్రమాదంలో చిక్కుకుంటారని తెలిపింది.

Read Also: హైసెక్యూరిటీ జైలుకు చెంచాలతో కన్నం వేసి ఖైదీలు పరార్, ఇదో థ్రిల్లింగ్ మిస్టరీ!

Read Also: ‘అన్నాబెల్లె’.. భయపెట్టే ఈ బొమ్మ రియల్ స్టోరీ తెలిస్తే గుండె ఆగుతుంది!

Also Read: దేవుడి ముంగిట ‘దెయ్యాలు’.. ఈ గుడికి వెళ్లాలంటే గుండె ధైర్యం ఉండాలి!

Also Read: ఆ గుడిలో అమ్మవారి విగ్రహాలు మాట్లాడతాయి, పరిశోధనల్లో తేలింది ఏమిటంటే..