viral video: ఓనర్‌కి వినిపించదు.. ఆ పిల్లి ఏం చేసిందంటే.. హార్ట్ టచింగ్ వీడియో

మీరు పిల్లుల్ని పెంచుతున్నారా... అయితే మీకు వాటి లాంగ్వేజీ బాగా అర్థమవుతుంది. ముఖ్యంగా ఆకలేసినప్పుడు అవి అరిచే అరుపులో తేడాను మీరు ఈజీగా గుర్తించగలరు. కానీ.. ఓ వ్యక్తి తాను పెంచుకుంటున్న పిల్లి ఏమంటోందో వినే పరిస్థితిలో లేడు. అతను దివ్యాంగుడు (deaf man). పిల్లి మ్యావ్ అని అరిచినా అతనికి వినపడదు. కానీ పిల్లిని ప్రేమగా చూసుకుంటున్నాడు. కొన్నాళ్లపాటూ అతన్ని గమనించిన పిల్లికి ఓ విషయం అర్థమైంది. తాను ఆకలేసి ఎంత అరిచినా... తన ఓనర్ తన ఫీలింగ్‌ని అర్థం చేసుకోలేడు అని గ్రహించింది. ఆ తర్వాత తన రూట్ మార్చింది. (cat communicate with signs)

మనుషులు ఎలాగైతే ఆకలి వేసినప్పుడు... తమ చేతిని నోటి దగ్గర పెట్టుకొని... సైగలు చేస్తారో... అదే విధంగా ఆ పిల్లి కూడా తనకు ఆహారం కావాలి అని అడిగేందుకు సైగలు చెయ్యడం ప్రారంభించింది. పిల్లిలో వచ్చిన ఈ మార్పు దాని యజమానికి ఎంతో ఊరటనిచ్చింది. అప్పటి నుంచి దానికి పాలు, బిస్కెట్లు, ఇంకా అది ఏం తినాలనుకున్నా... సైగలతో అడిగితే పెడుతున్నాడు.

ఇలా ఆ పిల్లి... మనిషిలా ఆలోచించడం, సైగలు చెయ్యడం, తన యజమానితో సైగల భాషను కొనసాగించడం అనేది అరుదైన, విచిత్రమైన విషయం. అందుకే ఆ వీడియో వైరల్ అయ్యింది. రెడ్డిట్‌లోని TheCheesecakeOfDoom యూజర్ ఈ వీడియోని మే 1న పోస్ట్ చేశారు. దీనికి ఇప్పటివరకూ 30 వేల దాకా అప్‌ ఓట్లు వచ్చాయి.

ఆ వీడియోని ఇక్కడ చూడండి (viral video Link)

చూశారుగా ఆ పిల్లి ఎంత చక్కగా తనకు పెట్టమని అడుగుతోందో. ఓ కాలు ఎత్తి మరీ సైగలు చేస్తోంది. అందుకే ఈ వీడియో నెటిజన్ల హృదయాలు దోచుకుంటోంది. "ఆ పిల్లి అతని చేతిపై ముందుగా తడుతోంది. ఓనర్ తనవైపు చూశాక... కాలు ఎత్తి... సైగ చేస్తోంది" అని ఓ యూజర్ కామెంట్ ఇవ్వగా... "కుక్కలు, పిల్లులూ ఏదైనా అర్జెంట్ అవసరం ఉన్నప్పుడు తమ ముందు కాళ్లు ఎత్తేందుకు ప్రయత్నిస్తాయి" అని మరో యూజర్ కామెంట్ ఇచ్చారు.
NASA Viral Video: బ్లాక్‌హోల్ వీడియో విడుదల చేసిన నాసా
"మన చేతుల కదలికలూ, కుక్కలు, పిల్లుల కాళ్ల కదలికలు వేర్వేరుగా ఉంటాయి. అయినప్పటికీ వాటి కాళ్ల కదలికను మనం అర్థం చేసుకోవాలి. అవి ఏం చెప్పాలనుకుంటున్నాయో గుర్తించాలి" అని మరో యూజర్ కామెంట్ ఇచ్చారు.
viral cat video: పిల్లిని కాలితో తన్నాడు.. అరెస్ట్ అయ్యాడు.. 10 ఏళ్ల జైలు!
ఇలా చాలా మంది ఈ వీడియోపై స్పందిస్తున్నారు. మీకు కూడా ఇది నచ్చిందా?