Cat Strange video : గాలిలో పిల్లి వింత ప్రవర్తన .. దెయ్యం ఉందంటున్న నెటిజన్లు

Cat Strange video : మీరు ఇంట్లో పిల్లుల్ని పెంచుతున్నట్లైతే... అవి మీకు ఫన్ మాత్రమే కాదు.. అప్పుడప్పుడూ టెన్షన్ కూడా తెప్పిస్తాయి. ఎందుకంటే పిల్లుల ప్రవర్తన విచిత్రంగా ఉంటుంది. ఒక్కోసారి అవి గదిలో ఎవరో ఉన్నట్లుగా వారినే చూస్తున్నట్లుగా ప్రవర్తిస్తాయి. కానీ మనం చూస్తే మనకు అక్కడ ఎవరూ కనిపించరు. ఎలుకో, పురుగో పారిపోతుంటే... దాన్ని పట్టుకోవడానికి ప్రయత్నిస్తున్నట్లు పిల్లులు ప్రవర్తిస్తాయి. తీరా అక్కడ చూస్తే ఏదీ ఉండదు. మరి పిల్లి ఎందుకు అలా ప్రవర్తించిందో అర్థం కాదు. ఇలా కాసేపు నటించాక.. మనల్ని చూడగానే పిల్లులు అక్కడి నుంచి వెళ్లిపోతాయి. ఈ రకమైన ప్రవర్తనకు కారణం ఏంటన్నది తెలియట్లేదు. నెటిజన్లు మాత్రం పిల్లులకు దెయ్యాలు కనిపిస్తాయనీ... ఒక్కోసారి వాటితో ఆడుకుంటాయనీ, కొన్నిసార్లు మాత్రం దెయ్యాలను చూసి పిల్లులు భయపడతాయని అంటున్నారు. తాజాగా అలాంటి ఓ వీడియో సోషల్ మీడియాలో వైరల్ అయ్యింది. ఆ పిల్లి ప్రవర్తన అందర్నీ ఆశ్చర్యపరుస్తోంది. (Cat videos)

ఈ వీడియోని రెడ్డిట్ యూజర్ Buntumss తన అకౌంట్‌లో జులై 31, 2022న పోస్ట్ చేశారు. "ఈ పిల్లి ఏం చేస్తుందో ఎవరికైనా తెలుసా?" అని ప్రశ్నించారు. ఈ వీడియోకి ఇప్పటికే 14 వేలకు పైగా అప్ ఓట్లు వచ్చాయి. దీన్ని గమనిస్తే ఓ ఇంటి లోపల గోడ ఎక్కిన పిల్లి... అక్కడ కూర్చొని... తన రెండు ముందు కాళ్లను గాలిలో ఊపింది. మధ్యలో ఓసారి ఆపి.. మళ్లీ అలా ఊపింది. ఇలా మూడు సార్లు చేశాక... తనను వీడియో తీస్తున్న వ్యక్తి చూసి పిల్లి పారిపోయింది. ఇంతకీ అది అలా ఎందుకు చేసిందన్నది సస్పెన్స్ అయ్యింది.
(Cats and ghosts videos)

ఆ వీడియోని ఇక్కడ చూడండి (viral video)

చూశారుగా... మీకు కూడా ఆశ్చర్యం కలిగిందా? దీనిపై నెటిజన్లు రకరకాలుగా స్పందిస్తున్నారు. "ఇది చూశాక నాకు జ్వరం వచ్చింది" అని ఓ యూజర్ కామెంట్ ఇవ్వగా... "గాలితో ఆడుకుంటున్న పిల్లి" అని మరో యూజర్ కామెంట్ ఇచ్చారు. "ఆ పిల్లి ముందు ఓ దెయ్యం ఉండి ఉంటుంది" అని మరో యూజర్ స్పందించారు. "గాలిలో దెయ్యాలు ఎగురుతున్నాయి" అని మరో యూజర్ కామెంట్ ఇచ్చారు. "ఇంట్లోని మనుషులపై దాడి చెయ్యవద్దని ఆ దెయ్యాన్ని పిల్లి శాంతపరుస్తోంది" అని మరో యూజర్ కామెంట్ ఇచ్చారు. "ఆ పిల్లి ముందు విక్టోరియా కాలం నాటి దెయ్యం కూర్చుంది. ఆ దెయ్యం జుట్టును పిల్లి దువ్వుతోంది" అని మరో యూజర్ కామెంట్ ఇచ్చారు. (cats and ghosts)

ఇలాంటి మరికొన్ని వీడియోలను ఇక్కడ చూడండి




National Girlfriends Day : స్నేహితురాళ్ల దినోత్సవం .. ప్రత్యేకత తెలుసా?
చూశారుగా ఈ అన్ని వీడియోల్లో పిల్లుల ప్రవర్తన వింతగానే ఉంది. ఈ కారణంగా దెయ్యాలున్నాయి అని మనం అనుకోవాల్సిన అవసరం లేదు గానీ... అవి ఎందుకు అలా ప్రవర్తిస్తున్నాయి అనే విషయం శాస్త్రీయంగా తేలాల్సి ఉంది. సరదాగా ఆటలో భాగంగా అవి అలా చేస్తున్నాయా... లేక నిజంగానే మనుషులకు కనిపించనివి ఏవైనా పిల్లులకు కనిపిస్తాయా అన్నది తేలాల్సి ఉంది. కొన్ని వీడియోల్లో పిల్లులు భయపడుతూ, ఆందోళన చెందుతున్న దృశ్యాలున్నాయి. అందువల్లే వాటికి దెయ్యాలు కనిపిస్తున్నాయనే వాదనను ఎక్కువ మంది నెటిజన్లు వినిపిస్తున్నారు.