Video: యువకుణ్ని చంపిన ఆ శక్తి.. రైలు వస్తుండగా లాగేసింది!

Indian Railways: మధ్యప్రదేశ్... హోషంగాబాద్‌లో ఈ ఘటన జరిగింది. ఇందులో ఇద్దరు కుర్రాళ్లు ఓ డేరింగ్ వీడియో తియ్యాలి అనుకున్నారు. ఆ ప్రకారమే... ఓ రైల్వే ట్రాక్ దగ్గరకు వెళ్లారు. రైలు పట్టాలు వంపు ఉన్న చోట షూటింగ్ స్పాట్‌గా ఎంచుకున్నారు. చట్టప్రకారం అసలు రైలు పట్టాల దగ్గరకు సామాన్య ప్రజలు వెళ్లకూడదు. అనుమతి లేకుండా వెళ్తే అరెస్టు చేస్తారు కూడా. కానీ మన దేశంలో చాలా చట్టాలు అంతగా అమలవ్వవు కదా... అందువల్ల మనం రైలు పట్టాల దగ్గరకు వెళ్లడాన్ని తేలిగ్గా తీసుకుంటాం... సరే ఈ ఘటనలో... ఆదివారం సాయంత్రం రైలు వస్తున్నప్పుడు... సంజు చౌరే అనే యువకుడు ఆ రైలు వచ్చే పట్టాల పక్కన నిలబడి ఉండాలనీ... దాన్ని మరో మైనరైన కుర్రాడు వీడియో తియ్యాలని ఇద్దరూ అనుకున్నారు. ఆ ప్రకారమే బేతుల్ రోడ్డులోని... శ్రద్ధాదేవ్ బాబా రైల్వే బ్రిడ్జి దగ్గర సంజూ చౌరే నిలబడ్డాడు. కానీ రైలు వస్తున్న సమయంలో... అతని తీరు మారింది. అతను రైలు వైపుకి వంగాడు. అంతే గూడ్స్ రైలు ఢీకొట్టడంతో తలకి బలమైన గాయమై చనిపోయాడు. (train accident video)

ఎందుకు అటువైపు వంగాడు:
ఈ వీడియోని మీరు జాగ్రత్తగా గమనిస్తే.. రైలు దగ్గరకు రానంతవరకూ ఆ కుర్రాడు పట్టాలకు దూరంగానే ఉన్నాయి. అక్కడే ఉండి ఉంటే... బతికేవాడేమో... కానీ అతను ఎందుకు పట్టాలవైపుకి వంగాడు... ఎందుకు నడుస్తూ... అటువైపుకి కదిలాడు అన్నది మనం డిస్కస్ చేసుకోవాలి. ఇందుకు ప్రధాన కారణం... అభికేంద్ర బలం. (Centripetal force). ఎస్... ఈ బలం ఎలాంటిదంటే... బలమైన వస్తువు... తన పక్కన ఉన్న ఇతర చిన్న వస్తువుల్ని తనవైపు లాక్కుంటుంది. ఇక్కడ బలమైన వస్తువు ఏది రైలు. బలహీనమైనది మనిషి. సో... రైలు దగ్గరకు వస్తూ... వస్తూ... అభికేంద్ర బలంతో... ఆ కుర్రాణ్ని తనవైపు లాక్కుంది. దాంతో అతను అటువైపు వంగాడు. రైలు ఢీకొట్టి చనిపోయాడు. (shocking video)

రైలు ప్రమాదం తర్వాత సంజూని దగ్గర్లోని ఇటార్సీ సివిల్ ఆస్పత్రికి తీసుకెళ్లారు. దారిలోనే చనిపోయినట్లు డాక్టర్లు తెలిపారు. (railway track video)

ఆ వీడియో (viral video)ని ఇక్కడ చూడండి... జాగ్రత్తగా గమనించండి:

అభికేంద్ర బలం దేన్నైనా సరే తనవైపు లాక్కొంటూ ఉంటుంది. అపకేంద్రబలం (centrifugal force) దేన్నైనా తన నుంచి దూరానికి పంపేస్తుంది. చందమామ భూమితోపాటే ఎందుకు ఉంటోంది... అంతరిక్షంలోకి వెళ్లిపోవచ్చు కదా... ఎందుకంటే... అభికేంద్ర బలంతో... చందమామను భూమి లాగుతూనే ఉంది. మరి పూర్తిగా భూమికి అతుక్కుపోవచ్చుగా అని మీకు అనిపించవచ్చు. అలా జరగదు ఎందుకంటే... అదే చందమామను ఇతర గ్రహాలు కూడా తమవైపు లాగుతున్నాయి. ఇది జస్ట్ ఓ తాడు ఆట లాగా అనుకోవచ్చు. ఇలా అభికేంద్ర బలం మనపై పనిచేస్తూ ఉంటుంది.

Video: కదిలే రైలు ఎక్కబోయింది.. సరిగ్గా అంతలో ఏం జరిగిందంటే..!
మనం రోడ్లపై బైక్ నడిపేటప్పుడు కూడా... మన పక్కన బస్సో, లారీయో ఉంటే చాలా జాగ్రత్తగా ఉండాలి. ఎందుకంటే మనకు తెలియకుండానే అభికేంద్ర బలం... మనల్నీ, బైకునీ... బస్సువైపు లాగగలదు. క్రమంగా బస్సుకి ఢీకొనేలా చెయ్యగలదు. ఆ కుర్రాళ్లు ఇలాంటి డేరింగ్ వీడియో తియ్యాలి అనుకోవడమే తప్పు. దానికి తోడు ఈ అభికేంద్ర బలాన్ని లెక్కలోకి తీసుకోకపోవడం మరో పొరపాటు. మొత్తానికి ఓ నిండు ప్రాణం పోయింది. ఎన్ని కలలు కన్నారో మంచి వీడియోలు తియ్యాలని... అర్థాంతరంగా జీవితం ముగిసిపోయింది. ఇప్పుడు అతని తల్లిదండ్రులు పడే బాధ ఎప్పటికీ తీరదు కదా.