viral video: వామ్మో చీతా.. ఏం చేసిందో చూస్తే.. హార్ట్ ఎటాకే!

రియల్ సఫారీ థ్రిల్ కావాలంటే ఆఫ్రికా దేశాలకు వెళ్లాల్సిందే అంటారు టూరిస్టులు. అక్కడి కెన్యా, టాంజానియా లాంటి దేశాల్లో సఫారీ టూర్ జీవితంలో మర్చిపోలేని విధంగా ఉంటుంది. ఓపెన్ టాప్ జీపుల్లో టూరిస్టులను తీసుకెళ్లే గైడ్లు... వన్య మృగాల మధ్యలో వాహనాల్ని ఆపుతారు. ఆ తర్వాత చూడాలి టూరిస్టుల పరిస్థితి. అక్కడి చీతాలు ప్రశాంతంగా ఉండవు. టూరిస్టుల టెన్షన్‌ను మరింత పెంచేందుకు వారి దగ్గరకు వస్తుంటాయి. ఒక్కోసారి వాహనం పైకి కూడా ఎక్కేస్తాయి. సరిగ్గా ఇలాంటి ఘటన ఒకటి తాజాగా జరిగింది. (Cheetah sitting on roof of safari vehicle)

టాంజానియాలోని సెరెంజెటీ నేషనల్ పార్కులో చీతాలను టూరిస్టులు చూస్తూ ఉండగా... ఓ చీతా... సఫారీ వాహనం దగ్గరకు వచ్చింది. వాహనంలో టూరిస్టులు తొలిసారి దాన్ని అంత దగ్గరగా చూస్తూ... థ్రిల్ అవ్వసాగారు. వాహనం స్పేర్ టైర్లపై ఎక్కిన చీతా... ఆ తర్వాత ఏకంగా టూరిస్టుల దగ్గరకు వెళ్లి... వాహనం టాప్ ఎక్కి అక్కడ కూర్చుంది. తమ తలపైనే చీతా ఉండటంతో... టూరిస్టులకు టెన్షన్, థ్రిల్, ఆనందం మూడూ ఒకేసారి వచ్చాయి. ఆ దృశ్యాలను మరో టూరిస్ట్ షూట్ చేశారు. ఆ వీడియో క్లిప్ ఇప్పుడు సోషల్ మీడియాలో వైరల్ అయ్యింది. (wildlife video)

ఈ వీడియోని ట్విట్టర్‌లోని తన అకౌంట్ @surenmehra లో జులై 2, 2022న షేర్ చేశారు IFS ఆఫీసర్ సురేందర్ మెహ్రా. "అడవిలో మనిషి" అని క్యాప్షన్ ఇచ్చారు. ఈ వీడియోని ఇప్పటివరకూ 66 వేల మందికి పైగా చూడగా... 2వేల మందికి పైగా లైక్ చేశారు. (tanzania safari video)
Google Maps - USO: గ్రీస్ సముద్రంలో వింత వస్తువు.. అదేంటి?
ఆ వీడియోని ఇక్కడ చూడండి (viral video)

దీనిపై నెటిజన్లు తమ అభిప్రాయాలు వ్యక్తం చేస్తున్నారు. "అది ఎంత కూల్‌గా కూర్చుంది" అని ఓ యూజర్ స్పందించగా... "ఆ చీతా ఎంతో ప్రశాంతంగా ఉంది. ఎందుకంటే అది తన ఇల్లులా అది భావిస్తోంది. మనుషుల్ని అది గ్రహాంతరవాసుల్లా ఫీలవుతోంది" అని మరో యూజర్ కామెంట్ ఇచ్చారు. (serengeti national park video)
4 Lane Coastal Highway: 4 లేన్ తీర ప్రాంత హైవే.. ఫొటోలు షేర్ చేసిన నితిన్ గడ్కరీ
ఇలాంటి అనుభవాన్ని టూరిస్టులు జీవితంలో మర్చిపోలేరు. ఐతే... ఆ చీతా వారిపై ఎందుకు దాడి చెయ్యలేదు... కనీసం వారిని చూసి కూడా పట్టనట్లు ఎందుకు ఉంది అనే డౌట్ చాలా మందికి ఉంటుంది. దీనంతటికీ కారణం అక్కడి గైడ్లు వాటికి ఇచ్చే శిక్షణే. వాటికి ముందుగానే ఆహారం తినిపించేసి... అప్పుడు మాత్రమే టూరిస్టులు వాటి దగ్గరకు తెస్తారు. కడుపు నిండిన చీతాలు... దాడులు చెయ్యవు. ఆకలితో ఉన్నప్పుడే దాడి చేస్తాయి. అలాగే గైడ్లు వాటికి ఇచ్చిన ట్రైనింగ్ వల్ల అవి టూరిస్టుల జోలికి రావు. వాహనాలపై ఎక్కడం వంటివి వాటికి అలవాటు చేస్తారు. అందుకే అవి అలా చేస్తాయి.