video: మేకప్‌తో పిల్లాడి దగ్గరకు వెళ్లిన తల్లి.. ఊహించని పరిణామం

తన తండ్రి ఎవరు అనేది బిడ్డకు చెప్పేది తల్లే. ఈ ప్రపంచంలో బిడ్డకు తల్లి తర్వాతే ఏదైనా. తల్లి కడుపులో ఉన్నప్పుడే... ఆమె మాటలు వింటూ పెరిగే బిడ్డ.. పుట్టిన తర్వాత కూడా ఆమె స్పర్శతో పెరుగుతుంది. అలా తల్లీ బిడ్డ మధ్య విడదీయరాని ప్రేమానుబంధం, మాతృత్వ అనుబంధం ఏర్పడుతుంది. అందుకే పసి పిల్లలు తల్లి దగ్గర ఉన్నంత సేపూ ఏడవరు. మరెవరైనా ఎత్తుకుంటే మాత్రం అసౌకర్యంగా ఫీలవుతూ ఏడుస్తారు. ఈ సృష్టిలో తల్లీ-బిడ్డ మధ్య అలాంటి ఆత్మీయ అనురాగాలను ఈ ప్రకృతి ఏర్పాటు చేస్తోంది. మరి ఆ బిడ్డే తల్లిని గుర్తించలేకపోతే.. ఆ మాతృమూర్తి గుండె తరుక్కుపోదూ. అందుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. (mother love video)

ఆ వీడియోని గమనిస్తే... అందులో ఓ పసి బిడ్డ మంచంపై పడుకొని ఉన్నాడు. ఆ చిన్నారి తల్లి అతన్ని ఎత్తుకుందామని ప్రయత్నించగా... ఆ బిడ్డ దగ్గరకు వచ్చేందుకు నిరాకరించాడు. ఆశ్చర్యపోయిన ఆమె... "ఏంటి నన్ను గుర్తుపట్టట్లేదా... నీ అమ్మను రా... అమ్మను.. రారా" అంటూ దగ్గరకు తీసుకునేందుకు మళ్లీ ప్రయత్నించగా.. ఆ పిల్లాడు.. ముఖం తిప్పేసుకుంటున్నాడు. "నా ముఖాన్ని గుర్తుపట్టట్లేదు" అని ఆమె ఆందోళన చెందసాగింది. ఇదంతా ఓ వ్యక్తి వీడియో తీస్తున్నాడు. అతను నవ్వుతున్నాడు. బహుశా ఆ వ్యక్తి పిల్లవాడికి తండ్రి అయ్యుండొచ్చు. ఆమె మరీ ఎక్కువగా మేకప్ వేసుకోవడం వల్లే ఈ పరిస్థితి తలెత్తింది. (mother son video)

ఈ వీడియోని ఇన్‌స్టాగ్రామ్‌లో nation.video పేజీలో ఏప్రిల్ 1, 2022న పోస్ట్ చేశారు. @aslivarunnn పేజీ నుంచి దీన్ని తీసుకున్నట్లు తెలిపారు. ఈ వీడియోని ఇప్పటికే లక్షల మంది చూడగా... 11 వేల మందికి పైగా లైక్ చేశారు. (child refused to recognize his mother)

ఆ వీడియోని ఇక్కడ చూడండి (Cute Baby Video)

నెటిజన్లు ఈ వీడియోని చూసి ఎంజాయ్ చేస్తున్నారు. "అమ్మాయిలకు ఇదో హెచ్చరిక" అని ఓ యూజర్ కామెంట్ ఇచ్చారు. మిగతా యూజర్లు ఫన్నీ ఇమోజీలు పోస్ట్ చేస్తున్నారు.
video: ప్రేమంటే ఇదేరా.. వైరల్ అయిన చేప విచిత్ర వీడియో
కాస్మెటిక్ ఇండస్ట్రీ బాగా డెవలప్ అవ్వడంతో.. ఈ రోజుల్లో మేకప్‌లలో వందల కొద్దీ రకాలు వచ్చేశాయి. అవి ఎలాంటి వారినైనా ఎలా కావాలంటే అలా మార్చేస్తున్నాయి. చివరకు పిల్లాడు తల్లిని కూడా గుర్తుపట్టలేని స్థితికి ఆ మేకప్‌లు చేరాయి. అందుకే నెటిజన్లకు ఇది ఫన్ కలిగిస్తోంది. ఆ తల్లికి మాత్రం టెన్షన్ పెంచుతోంది.