ఐస్‌క్రీమ్ కోసం హత్య.. ప్రియుడు ఆ మాట అన్నాడని ప్రాణం తీసిన ప్రియురాలు

ప్రేమికుల మధ్య గొడవులు జరగడం సాధారణమే. అప్పటికప్పుడు పోట్లాడుకున్నా.. ఆ తర్వాత మళ్లీ కలిసిపోతారు. కానీ, ఆమె మాత్రం అలా కాదు.. ప్రియుడు తనకు ఐస్‌క్రీమ్ కొనివ్వకపోగా తనను అవమానించాడనే కారణంతో తీవ్ర ఆగ్రహానికి గురైంది. మరో ఆలోచన లేకుండా కత్తితో తన ప్రియుడిని చచ్చేవరకు పొడిచి పగ చల్లార్చుకుంది.

చైనాలోని హెనెన్ ప్రాంతానికి చెందిన ఓ యువతి ప్రియుడితో కలిసి షాపింగ్‌కు వెళ్లింది. ఈ సందర్భంగా ఐస్‌క్రీమ్ తిన్నారు. అయితే, ఆమె తనకు ఇంకా ఐస్‌క్రీమ్‌లు తినాలని ఉందని చెప్పింది. దీంతో ప్రియుడు ఆమెను వారించాడు. ‘‘ఇప్పటికే చాలా లావుగా ఉన్నావు. ఇంకా తింటే మరింత లావైపోతావు’’ అని అన్నాడు. తన ఆకృతిపై కామెంట్లు చేశాడనే కారణంతో ఆమె కోపం కట్టలు తెంచుకుంది.

Read also: నిద్రలో నడుస్తూ.. స్నేహితుడి ప్రియురాలితో పాడుపని, కళ్లు తెరిచి చూసి షాక్!

మాల్‌లోని ఓ దుకాణంలోకి వెళ్లి కత్తి కొనుగోలు చేసింది. ఆ కత్తితో ప్రియుడిని పలుసార్లు పొడిచింది. ఈ ఘటన చూసి మాల్‌లో ఉన్న కస్టమర్లు పరుగులు తీశారు. కొందరు అంబులెన్స్‌కు ఫోన్ చేశారు. ఎమర్జన్సీ వైద్యులు వచ్చి అతడిని ఆసుపత్రికి తీసుకెళ్లారు. అయితే, అప్పటికే రక్తం పోవడంతో అతడు చనిపోయాడు. హత్య తర్వాత ఆమె అక్కడి నుంచి పారిపోవడానికి ప్రయత్నించింది. అయితే, పోలీసులు ఆమెను చుట్టుముట్టి అరెస్టు చేశారు. బాడీ షేమింగ్ చేయడం తప్పే. కానీ, ఆ కారణంతో వ్యక్తి నిండు ప్రాణాలను బలిగొనడం దారుణం కదూ.

Image credit: JSTV