Video: బీర్ కేన్‌లో ఇరుక్కున్న నాగుపాము తల.. ఎలా కాపాడారంటే!

ఈ భూమిపై సహజసిద్ధంగా ఉండే వాటితో జీవరాశికి పెద్దగా సమస్యలు రావట్లేదు. కానీ మనుషులు పారేసే కృత్రిమమైన వ్యర్థాల వల్లే జీవరాశికి ఎక్కువ నష్టం కలుగుతోంది. మనం తరచూ వార్తల్లో చూస్తుంటాం... ఫలానా ఆవు కడుపులో 70 కేజీల ప్లాస్టిక్ వ్యర్థాలను డాక్టర్లు బయటకు తీశారు అనీ... మరికొన్నిసార్లు... పక్షులు చనిపోవడానికి కారణం అవి తింటున్న ప్లాస్టిక్కే అని తేలుతుంది. ఇలా ఎన్నో సందర్భాల్లో మనుషులు పారేసే వ్యర్థాలే జీవులకు హానికరం అవుతున్నాయి. ఈ పామునే తీసుకుంటే... దాని దారిన అది బతికేది. ఎవరో పారేసిన బీర్ కేన్‌లో ఏదో ఉంది అనుకొని తల పెట్టింది. ఆ తల బయటకు రాలేదు. (snake head in beer can) ఎందుకంటే.. నాగుపాము పడగ విప్పగలదు. తల లోపల పెట్టాక పడగ విప్పి ఉంటుంది. అందువల్ల తల బయటకు రాలేదు. మరెలా? (snake rescue video)


ఒడిశా... పూరీలో ఈ ఘటన జరిగింది. బీర్ కంటైనర్‌లో తల ఇరుక్కుపోవడంతో... 4 అడుగుల నాగుపాము ఇబ్బంది పడుతుంటే... ఎవరో చూశారు. మాధిపూర్ గ్రామంలో అది కనిపించింది. స్థానికులు అటవీ అధికారులకు చెప్పారు. వారు పాముల్ని కాపాడే అధికారులకు చెప్పడంతో... వారు రెస్క్యూ ఆపరేషన్ మొదలుపెట్టారు. అది విషం లేని పామైతే... ఈజీగా కాపాడవచ్చు. నాగుపాము ప్రమాదకరమైనది కావడం వల్ల దాన్ని కాపాడేందుకు కష్టపడాల్సి వచ్చింది. (shocking video)


ముందుగా పామును ఓ సంచిలో వేసి... ఆపరేషన్ థియేటర్‌కి తీసుకెళ్లారు. అక్కడ జాగ్రత్తగా బీర్ కేన్‌ను వెనకవైపు కట్టర్‌తో కట్ చేశారు. అప్పుడు పాము తల బయటకు వచ్చింది కానీ... బీర్ కేన్ అలాగే ఉంది. దాన్ని తొలగించాలంటే... ముందు పాము తలను బంధించాలి. అందుకోసం... ఓ సన్నటి ప్లాస్టిక్ గొట్టంలోకి పాము తల వెళ్లేలా చేశారు. ఆ తర్వాత కట్టర్‌తో కేన్‌ను కట్ చేసి పామును విడిపించారు.


ఆ వీడియో (viral video)ని ఇక్కడ చూడండి:

చూశారుగా... ఓ చిన్న బీర్ కంటైనర్ వల్ల ఇంత పెద్ద సమస్య వచ్చింది. మనం తుక్కును డస్ట్ బిన్‌లో పారేయడం వల్ల ఎంతో మేలు జరుగుతుంది. ఇలా తుప్పల్లో పడేస్తే... ప్రాణులకు చిక్కులొస్తున్నాయి.

20 నిమిషాలపాటూ ఈ రెస్క్యూ ఆపరేషన్ సాగింది. పాముకి కొన్ని గాయాలయ్యాయి. వాటికి ట్రీట్‌మెంట్ ఇచ్చారు. ఈ వీడియోని డిసెంబర్ 2న యూట్యూబ్‌లోని OTVలో అప్‌లోడ్ చెయ్యగా... ఇప్పటివరకు 1.29 లక్షల మంది చూశారు.

Video: వామ్మో 12 అడుగుల కోబ్రా.. బుసలుకొడుతూ.. రగిలిపోతూ..!
"రెస్క్యూ ఆపరేషన్ చాలా బాగా చేశారు" అని ఓ యూజర్ మెచ్చుకోగా... "పాముని కాపాడినందుకు ధన్యవాదాలు" అని మరో యూజర్ చెప్పారు. "ఎక్సలెంట్.. మీరు ఓ ప్రాణాన్ని కాపాడారు" అని మరో యూజర్ మెచ్చుకున్నారు.