Costly Trash bag video : చెత్త కవర్ .. ధర రూ.1.4 లక్షలు

Costly Trash bag : పాలిథిన్ కవర్ల వాడకంపై చాలా రాష్ట్రాల్లో నిషేధం ఉంది. ఇలాంటి ఈ రోజుల్లో... చెత్తను పారేసేందుకు ఉపయోగించే సంచికి రూ.1.4 లక్షల ($1,790) ధరను నిర్ణయించడం దారుణం అంటున్నారు నెటిజన్లు. ఈ సందర్భంగా ఓ విషయాన్ని మనం గమనించాలి. చాలా సూపర్ మార్కెట్లలో వస్తువుల ధరలు ఎక్కువగా ఉంటాయి. అవే వస్తువులు వీధి చివరి పచారీ కొట్టులో తక్కువకే లభిస్తాయి. ఎందుకీ తేడా అంటే... బ్రాండ్, క్వాలిటీ, ప్యాకింగ్ ఇలా చాలా విషయాల్ని చెబుతారు సూపర్ మార్కెట్ల నిర్వాహకులు. ఈ బ్రాండ్ అనే పేరుతో... చాలా కంపెనీలు ధరలను అత్యంత ఎక్కువగా నిర్ణయిస్తున్నాయనే విమర్శలున్నాయి. తాజాగా చెత్త కవర్ విషయంలోనూ అదే జరుగుతోంది అంటున్నారు. ఫ్యాషన్ హౌస్ అయిన బాలెన్సియాగా (Balenciaga) పై విమర్శలు వెల్లువెత్తుతున్నాయి. ఈ కంపెనీ బ్రాండ్ పేరు చెప్పుకొని.. తన చెత్త కవర్ల (trash bags)ను అత్యధిక ధరకు అమ్ముతోంది. (Balenciaga trash bag video)

ఏంటి ఈ కవర్ ప్రత్యేకత :
చెత్త కవర్ అంటే.. చెత్తలో పారేయక తప్పదు. దాచుకునేది కాదు కదా. మరి దానికి ఎందుకు ఇంత రేటు అంటే... కంపెనీ తన వెర్షన్ చెబుతోంది. ఈ కవర్ల బ్రాండ్ ను ట్రాష్ పౌచ్ (Trash pouch) అని పిలుస్తోంది. కాఫ్ స్కిన్ లెదర్ కి గ్లాసీ కోటింగ్ వేసి ఈ కవర్లు తయారుచేసినట్లు చెబుతోంది. ఇవి నలుపు, తెలుపు, బ్లూ, ఎల్లో కలర్స్ లో లభిస్తున్నాయి. చెత్త వేసిన తర్వాత... సంచికి ముడి వేసేందుకు దారాలను కూడా ఇస్తున్నట్లు తెలిపింది.

ఈ బ్యాగులను బాలెన్సియాగా వింటర్ 22 కలెక్షన్ ఫ్యాషన్ షోలో మోడల్స్ ర్యాంప్ పై ప్రదర్శించారు. దాంతో వీటి గురించి చర్చ మొదలైంది. డబ్బు అత్యంత ఎక్కువగా ఉండేవారు ఈ సంచులు కొనుక్కునేందుకు ఆసక్తి చూపిస్తున్నారు. సామాన్యులేమో... చెత్త కవర్ కి అంత ధర ఎందుకూ... విడ్డూరం కాకపోతే.. అంటున్నారు.

ఆ ర్యాంప్ వాక్ వీడియో ఇక్కడ చూడండి (viral video)

నెటిజన్లలో చాలా మంది బ్యాగ్ ధర తెలుసుకొని షాక్ అవుతున్నారు. "మీరు అంత ధర పెట్టి ఆ సంచి కొంటే... కచ్చితంగా ఆ సంచి నిండా డబ్బు నింపి.. మీకు దగ్గర్లోని చారిటీ సంస్థకు మీరు ఇవ్వగలరు" అని ఓ యూజర్ కామెంట్ ఇచ్చారు. "మీరు ఆ బ్యాగ్ కొనుక్కొని అలా వెళ్తూ ఉంటే... మిమ్మల్ని దోచుకోమని కొంతమంది మనుషుల్ని నేను పంపుతా" అని మరో యూజర్ కామెంట్ ఇచ్చారు.

"ఈసారి ఎవరైనా నన్ను చెత్త కవర్ అని తిడితే... నేను బాలెన్సియాగా కవర్ ని ఊహించుకుంటాను" అని మరో యూజర్ కామెంట్ ఇచ్చారు. బాలెన్సియాగాకి ఇలాంటి వివాదాలు కొత్త కాదు. 2022 మేలో ఈ కంపెనీ... చెత్త డబ్బా షూస్ ని తీసుకొచ్చింది. వాటి ధరను రూ.2 లక్షలుగా చెప్పి.. విమర్శలపాలైంది. ఇప్పుడు మళ్లీ అదే జరుగుతోంది.