హిట్లర్ పెంపుడు మొసలి మరణం.. మళ్లీ జీవం పోసి.. రష్యా జూలో ప్రదర్శన

అడాల్ఫ్ హిట్లర్ గురించి తెలియవారంటూ ఎవరూ ఉండరు. నియంతగా ప్రపంచాన్నే గడగడలాడించిన ఆయనకు జంతువులంటే చాలా ఇష్టం. అయితే, అవేవో కుక్కలు.. పిల్లులు అని అనుకుంటే పొరపాటే. ఆయన తన ఇంట్లో మొసలిని పెంచుకొనేవాడట. అయితే, అది ఎంతవరకు నిజమనేది ఎవరూ ప్రాక్టికల్‌గా నిరూపించలేదు. కానీ, రెండో ప్రపంచ యుద్ధంలో బ్రిటీష్ సైనికులు బెర్లిన్‌లో ఈ మొసలిని కనుగొన్నారు.

ఈ మొసలి పేరు ‘శట్రాన్’ అని, హిట్లర్‌కు ఎంతో ఇష్టమైన పెంపుడు జంతువు అని అప్పటి సైనికులు వెల్లడించారు. 1946లో రష్యాలోని మస్కో జూకు ఈ మొసలిని తరలించారు. అప్పటి నుంచి అది అక్కడే జీవించింది. ఆ జూకు వచ్చే సందర్శకుల్లో ఎక్కువ మంది ఆ మొసలిని చూసేందుకే తరలివెళ్లేవారు. అయితే, ఆ మొసలి 84 ఏళ్ల వయస్సులో.. ఈ ఏడాది (2020) మే నెలలో చనిపోయింది. ఈ నేపథ్యంలో హిట్లర్‌కు గౌరవంగా ఆ మొసలిని డార్విన్ జూలో ప్రదర్శనకు ఉంచేందుకు నిర్ణయించుకున్నారు.

1936లో మిస్సిసిప్పీలో పుట్టిన ఆ మొసలిని బెర్లిన్ జూకు గిఫ్టుగా ఇచ్చారట. హిట్లర్‌కు చెందిన ప్రైవేట్ కలెక్షన్లలో ఈ మొసలి కూడా ఒకటి అని అప్పట్లో భావించేవారు. బెర్లిన్‌లో బాంబుల దాడి జరిగినప్పుడు ఆ మొసలి బేస్మెంట్లు, మురుగు కాలువల్లోకి వెళ్లి తలదాచుకున్నట్లు స్థానికుల కథనం. మొసలి మరణం తర్వాత దాని చర్మాన్ని డార్విన్ మ్యూజియంకు దానం చేశారు.

Read Also: భలే ఐడియా.. ఇంటి వద్దకే పెళ్లి విందు, 700 మంది అతిథులకు పసందైన సర్‌ప్రైజ్!

డార్విన్ మ్యూజియం నిర్వాహకులు.. మొసలి శరీరం పాడవ్వకుండా టాక్సీడెర్మిస్టుల ద్వారా దానికి జీవం ఉట్టిపడే రూపాన్ని అందించారు. దాని చర్మం పాడవ్వకుండా రసాయనాలు అద్ది ప్రిజర్వ్ చేశారు. దీనివల్ల అది దాని శరీరం ఎన్నాళ్లయినా పాడవ్వదు. దాన్ని అకస్మాత్తుగా చూస్తే ప్రాణాలతో ఉందనే భావన కలుగుతుంది.

Read Also: భర్తకు ఎంగిలి ఆహారాన్ని లంచ్‌గా పంపుతున్న భార్య.. 40 ఏళ్లుగా ఇదే పని, ఎందుకంటే...

డార్విన్ జూక్‌కు సంబంధించిన ఫేస్‌బుక్ పేజీలో రసాయన ప్రక్రియ తర్వాత ఆ మొసలి శరీరాన్ని మ్యూజియానికి తరలిస్తున్న చిత్రాలను పోస్టు చేశారు. వాటిని ఈ కింది ఫేస్‌బుక్ పోస్టులో చూడగలరు.