కాకి ముక్కు.. గొరిల్లా శరీరం, ఇంతకీ ఇది ఏ జీవి?

కాకి ముక్కు.. గొరిల్లా లాంటి శరీరంతో కనిపించిన ఈ జీవిని చూసి అంతా గందరగోళానికి గురవుతున్నారు. ఇంతకీ ఇది ఏ జీవో మీరు చెప్పగలరా? కైతారో సింప్సన్ అనే వ్యక్తి జపాన్‌లోని నగొయాలో ఓ కాకి గొరిల్లా తరహాలో కుర్చోవడం చూసి ఆశ్చర్యపోయాడు. వెంటనే దాన్ని వీడియో తీశాడు. దీన్ని మిస్టర్ సింప్సన్ పేజీలో పోస్టు చేయగా 10.9 మిలియన్ మంది వీక్షించారు.

అయితే, ఇది కాక, గొరిల్లానా? లేదా వింతజీవా? అనే ప్రశ్నలు వెల్లువలా వస్తున్నాయి. దీన్ని స్పష్టంగా చూస్తే గొరిల్లా తరహాలోనే ఉంది. అయితే, తన రెక్కలను కాళ్ల మీదుగా కిందికి చాచడం వల్ల అది గొరిల్లా రూపంలో కనిపించి ఉండవచ్చని పలువురు తెలుపుతున్నారు. సాధారణగా పక్షులు కూడా తమ రెక్కలను కిందికి పెట్టి రిలాక్స్ అవుతాయి. శరీరానికి గాలి తగిలేందుకు, ఈకల్లో బ్యాక్టీరియాను నిలువరించేందుకు కొన్ని పక్షులు ఈ తరహాలో రెక్కలు చాపుతాయని మరికొందరు వెల్లడించారు. కొందరు దీన్ని గొరిల్లా కాకి అని, ఇంకొందరు క్రొవిల్లా అని పిలుస్తున్నారు. ఏది ఏమైనా కాకి.. గొరిల్లా ఆకారంలో కనిపించడం నిజంగా వింతే కదూ. ఆ వీడియోను మీరూ చూడండి.