Video: రిపేర్ చేస్తుండగా పేలిన ఫోన్.. ఒక్కసారిగా మంటలు.. షాకింగ్ వీడియో

స్మార్ట్ ఫోన్ లేకుండా టైమ్ గడవని రోజులివి. కానీ... మనం ఓ భయంకరమైన పేలుడు పదార్థాన్ని చేతిలో పట్టుకొని ఉంటున్నామని అనుకోవచ్చు. ఎందుకంటే ఫోన్ బ్యాటరీలకు పేలే గుణం ఉంటుంది. అవి లీక్ అయినా, తయారీ దశలో క్వాలిటీ మెటీరియల్ వాడకపోయినా.. ఆ తర్వాత కాలంలో బ్యాటరీ ఉబ్బి... ఒక్కసారిగా పేలే ప్రమాదం ఉంటుంది. అందువల్ల మనం మొబైల్స్ కొనుక్కునేటప్పుడు కాస్త రేటు ఎక్కువైనా బ్రాండెడ్‌వే కొనుక్కోవడం మంచిది అంటున్నారు నిపుణులు. బ్రాండెడ్ వాటిలో కూడా లిథియం అయాన్ బ్యాటరీలు ఉంటాయి. అవి కూడా పేలవచ్చు. కాకపోతే... వాటిలో పేలుతున్న సందర్భాలు తక్కువగా ఉంటున్నాయి. ఎప్పుడైనా మీ ఫోన్ రోజూ కంటే... కాస్త పెద్దగా, లావు అయినట్లుగా, ఉబ్బినట్లుగా ఉంటే... వెంటనే అలర్ట్ అవ్వాలి. ఫోన్ వెనకున్న ప్లేట్‌ని తొలగించి... బ్యాటరీలో తేడా వచ్చిందేమో గమనించాలి. బ్యాటరీ ఉబ్బినట్లు ఉంటే మాత్రం... ఫోన్‌ని దూరంగా ఉంచి... సర్వీస్ సెంటర్‌కి తీసుకెళ్లాలి. ఆలస్యం చేస్తే ఏ క్షణమైనా ఆ బ్యాటరీ పేలగలదు. అందుకే మొబైల్స్‌ని పాకెట్లలో పెట్టుకోవద్దనే ప్రచారం జరుగుతోంది. (phone bursts into flames video)

తాజా ఘటన వియత్నాంలో జరిగింది. ఇందుకు సంబంధించిన వీడియో... యూట్యూబ్‌లోని ViralHog ఛానెల్‌లో నవంబర్ 17న పోస్ట్ చేశారు. ఇందులో ఓ వ్యక్తి ఫోన్ రిపేర్ చేస్తుంటే... సడెన్‌గా అది పెద్ద శబ్దంతో పేలింది. వెంటనే మంటలు వచ్చాయి. అతను రిపేరర్ కాబట్టి... ఆల్రెడీ అలర్ట్‌గా ఉన్నాడు. ఫోన్ పేలగానే... దాన్ని జాగ్రత్తగా తీసి... షాప్ బయటకు విసిరేశాడు. అతను ఆలస్యం చేసి ఉంటే... పెద్ద అగ్ని ప్రమాదం జరిగేదే. (mobile battery exploded video)

ఆ వీడియో (viral mobile video) ని ఇక్కడ చూడండి

చూశారుగా ఎలా జరిగిందో. అక్కడి సీసీటీవీ కెమెరా (cctv footage) ఈ దృశ్యాన్ని రికార్డ్ చేసింది. ఇది వియత్నాంలోని థాయ్ న్య్గూయెన్ ప్రాంతంలోని సర్వీసింగ్ షాపులో జరిగినట్లు తెలిసింది. ఈ ఘటనలో రిపేరర్‌కి ఏమీ కాలేదు.

ఈ వీడియో చూసిన నెటిజన్లు దీనిపై బాగా స్పందిస్తున్నారు. "ఇలాంటి ఫోన్ పాకెట్‌లో పేలితే ఎలా ఉంటుందో ఊహించుకోండి" అని ఓ యూజర్ కామెంట్ ఇవ్వగా... "అదృష్టవంతుడు అతనికి ఏమీ కాలేదు" అని మరో యూజర్ అన్నారు.
Job: ఇంటిని చెక్ చేసే ఉద్యోగం.. శాలరీ గంటకు రూ.700
"5 సెకండ్ల దగ్గర ఆల్రెడీ అతను ఆ ఫోన్‌ని డౌట్‌గానే చూస్తూ ఉన్నాడు" అని మరో యూజర్ చెప్పగా... "కాకతాళీయమో ఏమో గానీ... వియత్నాంలోనే ఇలాంటి ఘటనలు ఎక్కువగా జరుగుతున్నాయి ఎందుకో మరి" అని మరో యూజర్ అభిప్రాయపడ్డారు.