ఇప్పటికే అతని పేరున దాదాపు 250 గిన్నీస్ రికార్డులు.. ఇప్పుడు మరొకటి...

అతనికి గిన్నీస్ వరల్డ్ రికార్డ్ (Guinness World Record) అంటే చాక్లెట్ తిన్నంత తేలిక అయిపోయింది. పేరు డేవిడ్ రష్ (David Rush). అమెరికాలోని ఇడాహోకి చెందినవాడు. 250 గిన్నీస్ రికార్డులకు చేరువలో ఉన్న అతను తాజాగా STEM ఎడ్యుకేషన్‌ని ప్రమోట్ చేసే ఉద్దేశంతో... తన గెడ్డంపై గిటార్‌ని నిలబెట్టి... ఓ ట్రాక్‌పై 13 లాప్స్ నడిచాడు. మొత్తం 5.4 కిలోమీటర్లు నడిచినట్లైంది. ఆ తర్వాత గిటార్ బ్యాలెన్స్ తప్పింది. ఈ ప్రయత్నంతో ఇప్పటివరకూ ఇలా ఎక్కువ దూరం నడిచిన వ్యక్తిగా అతను మరో గిన్నీస్ రికార్డ్ సాధించాడు. (balancing a guitar on chin)

"ఈ రికార్డ్ సాధించడానికి నాకు గంట 7 నిమిషాలు పట్టింది. మొత్తం 5.47 కిలోమీటర్లు నడిచాను" అని డేవిడ్ తెలిపాడు. నిజానికి ఇది చాలా కష్టమైన ఫీట్. గెడ్డంపై గిటార్‌ని నిలబెట్టడం అనేది 3 రకాల సమస్యలు తెస్తుంది. 1.సమయం గడిచే కొద్దీ గిటార్ బరువు పెరిగినట్లు అనిపిస్తుంది. అందువల్ల దాన్ని మొయ్యడం కష్టమవుతుంది. 2.గిటార్‌ని గాలి ఊపేస్తూ ఉంటుంది. దానికి తగ్గట్టుగా ప్రతీ క్షణం బ్యాలెన్స్‌ని సెట్ చేసుకుంటూ ఉండాలి. 3.తలను వెనక్కి వంచడం వల్ల మెడనొప్పి అంతకంతకూ పెరుగుతుంది. ఇలాంటి సమస్యల్ని భరిస్తూనే ఈ ఫీట్ సాధించాడు. రికార్డ్ సాధించగానే... అతను నేలపై పడిపోయాడు. కొంతసేపు అలాగే ఉండిపోయాడు. ఆ సమయంలో తనకు అంతా మసకగా కనిపించిందని చెప్పాడు.

STEM - సైన్స్, టెక్నాలజీ, ఇంజినీరింగ్, మేథమేటిక్స్ ఎడ్యుకేషన్‌ని ప్రమోట్ చేస్తున్న డేవిడ్.. నెల రోజులుగా చాలా గిన్నీస్ రికార్డులను సాధించాడు. 250 సాధించేందుకు ఏం చెయ్యడానికైనా సిద్ధమే అంటున్నాడు. గతవారం ఇతను నిమిషంలో 59 మార్షమల్లోస్‌ని నోట్లో పెట్టుకొని గిన్నీస్ రికార్డ్ కొట్టాడు.
Time Traveller From 2096: కొత్త వైరస్ రాబోతోంది.. టైమ్ ట్రావెలర్ హెచ్చరిక!
తాజా రికార్డ్ వీడియోని ఇక్కడ చూడండి (viral video)
నిద్రపోతూ నెలకు రూ.26 లక్షలు సంపాదిస్తున్నాడు.. చిత్రంగా లేదూ..
అంతకుముందు చైన్‌సా (రంపం యంత్రం)ని నుదుటిపై ఎక్కువసేపు మోసి.. గిన్నీస్ రికార్డ్ సాధించాడు. ఐతే.. ఇదే రికార్డును అతను 2017లో ఆల్రెడీ సాధించాడు. అప్పట్లో 5 నిమిషాల 1 సెకండ్ నుదుటిపై మోశాడు. తర్వాత మరొకరు ఆ రికార్డును బ్రేక్ చేసి.. 6 నిమిషాల 48 సెకండ్లపాటూ రంపాన్ని మోశారు. దాంతో దాన్ని బ్రేక్ చేసేందుకు డేవిడ్.. ఏకంగా 31 నిమిషాల 25 సెకండ్లపాటూ రంపాన్ని మోసి... తన టైటిల్‌ని తను తిరిగి దక్కించుకున్నాడు. దీన్ని బట్టే అతనికి ఎంత పట్టుదల ఉందో అర్థం చేసుకోవచ్చు.
Japanese Cast Away: 29 ఏళ్లు దీవిలో ఒంటరిగా గడిపాడు...
ఇలా డేవిడ్.. వన్ బై వన్ తన ఖాతాలో వేసుకుంటున్నాడు. ఎవరైనా తన రికార్డులను బ్రేక్ చేస్తే.. వాటిని తిరిగి దక్కించుకునేందుకు ప్రయత్ని్స్తానంటున్నాడు. ఆలోపు కొంతకాలమైనా తన పేరున అవి ఉండటం తనకు ఆనందం ఇస్తుందని తెలిపాడు.