విచిత్రం.. చనిపోయిన పాముకు మళ్లీ ప్రాణం పోశాడు, వీడియో వైరల్

చనిపోయిన జీవులను మళ్లీ బతికించవచ్చా? అది అసాధ్యమనే సంగతి మనకు తెలిసిందే. అయితే, చనిపోయిన కొద్ది నిమిషాల వ్యవధిలో.. గట్టిగా ప్రయత్నిస్తే తప్పకుండా ప్రాణాన్ని తిరిగి తీసుకురావచ్చు. సీపీఆర్ (Cardiopulmonary Resuscitation) ద్వారా మనుషులను బతికించవచ్చు. అయితే, ఇది అన్నివేళలా సక్సెస్ అవుతుందని మాత్రం చెప్పాలేం. ఈ విధానం ద్వారా చాలా తక్కువ మంది మాత్రమే తిరిగి ప్రాణం పోసుకుంటారు. ఇది మనిషి ఊపిరి ఆగిన పది నిమిషాల లోపు చేస్తేనే ఫలితం ఉంటుంది. అయితే, పాములను కూడా ఈ విధంగా రక్షించవచ్చా? అనే ప్రశ్నకు ఈ వైరల్ వీడియోనే సమాధానం.

ఈ వీడియోలో ఓ వ్యక్తి చనిపోయిన పామును బతికి ఆశ్చర్యంలో ముంచెత్తాడు. ఆస్ట్రేలియాలోని క్వీన్‌ల్యాండ్‌లో నివసిస్తున్న స్నేక్ క్యాచర్ స్టువర్ట్ మెకంజీకి ఇటీవల గోల్ఫ్ కోర్స్ నుంచి కాల్ వచ్చింది. ఓ గదిలో రెడ్ బెల్సీ స్నేక్ ఉందని అవతలి వ్యక్తి చెప్పాడు. దీంతో స్టువర్ట్ దాన్ని పట్టుకోడానికి అక్కడికి వెళ్లాడు. కంటైనర్ కింద ఉన్న ఆ పాము అప్పటికే చనిపోయింది. బరువైన కంటైనర్‌ను దాని తల మీద మోపడం వల్ల ఆ పాము చనిపోయినట్లు స్టువర్ట్ భావించాడు.

ఆ పామును కవర్లో వేసి బయటపడేయాలని స్టువర్ట్ నిర్ణయించుకున్నాడు. దాన్ని నేరుగా తన ఇంటికి తీసుకెళ్లాడు. ఆ పామును తన భార్యకు చూపించడం కోసం దాని తోక పట్టుకుని వంటగదిలోకి తీసుకెళ్లాడు. ఆ సమయంలో అతడికి పాములో చిన్న కదలిక కనిపించింది. దీంతో అతడు ఆ పాముకు మళ్లీ ప్రాణం వచ్చిందని భావించాడు. డైనింగ్ టేబుల్ మీద పెట్టి.. చాలా సేపు దాని తోకను నిమురుతూ ఊపిరి పోసేందుకు ప్రయత్నించాడు.
కొడుకు పెళ్లి.. అత్త గర్భవతి, తలపట్టుకున్న కోడలు!
ఎట్టకేలకు పాములో కదలిక వచ్చింది. అప్పటివరకు చలనం లేకుండా పడివున్న ఆ పాము మళ్లీ చురుగ్గా కదిలింది. ప్రాణం పోసిన స్టువర్ట్ మీదకే బుసలు కొట్టడం మొదలుపెట్టింది. దీంతో అతడు దాన్ని బంధించి అడవిలో వదిలిపెట్టాడు. ఈ అరుదైన ఘటనను స్టువర్ట్ వీడియో తీసి సోషల్ మీడియాలో పోస్టు చేయడంతో క్షణాల్లో వైరల్‌గా మారింది. చనిపోయిన ఆ పాము.. మళ్లీ ఎలా బతికిందో చూడాలని ఉందా? అయితే, ఈ వీడియోపై ఓ లుక్కేయండి.

వీడియో: Read Also: పెళ్లికి పన్ను కట్టకపోతే.. ఊరి పెద్దతో తొలిరాత్రి, వధువుకు వింత అనుభవం!

Read Also: కరోనా సోకిన భర్త నోట్లో నోరు పెట్టి.. ‘ఊపిరి’ నిలిపేందుకు భార్య ప్రయత్నం, చివరికి..