కాళ్లులేని బాలుడి క్రికెట్.. కళ్లు చెదిరే షాట్సే కాదు, వికెట్ల మధ్యా పరిగెడుతున్నాడు!

మనో నిబ్బరం ఉండాలేగానీ సాధించలేనిది ఏదీ ఉండదు. ఇందుకు ఈ వికలాంగ బాలుడి ఆటే నిదర్శనం. వైకల్యం వల్ల కాళ్లు పనిచేయపోయినా.. ఆ బాలుడు క్రికెట్ మీద ఉన్న మక్కువను చంపుకోలేకపోయాడు. దీంతో బ్యాట్ పట్టి మైదానంలోకి దిగాడు. సాధారణ ఆటగాడిలా కళ్లు చెదిరే షాట్స్ కొట్టడమే కాకుండా వికెట్ల మధ్య పరుగులు తీస్తూ స్కోర్ బోర్డునూ పరుగులు పెట్టించాడు.

Also Read: మిస్ యూ బ్రో.. యజమానిని కౌగిలించుకున్న ఒంటె, చాలా రోజుల తర్వాత చూడటంతో..

ఐఎఫ్ఎస్ అధికారిణి సుధా రమెన్ ట్వీట్ చేసిన ఈ వీడియో వైరల్‌గా మారింది. ‘‘అతడి ఆట చూసి నాకు మాటలు రాలేదు. క్రికెట్‌ను ఇష్టపడేవారు, ఇష్టంలేనివారు తప్పకుండా చూడాల్సిన వీడియో ఇది. ఈ బాలుడి గురించి ఇంకా వివరాలు తెలియాల్సి ఉంది’’ అని.. ఆమె ఈవీడియో పోస్టు చేశారు. ఇందులో ఆ బాలుడు వైకల్యం లేనట్లుగానే వ్యవహరించడం, తోటి పిల్లలు కూడా అతడిపై జాలి చూపించకుండా తోటి ఆటగాడిలా సమానంగా చూడటం ఆకట్టుకుంటుంది. ఒక చేతితో బ్యాట్ పట్టుకుని, కాళ్లను నేలపై ఈడ్చుకుంటూ మరో చేతితో పరిగెట్టడం చూస్తే.. మనసు బరువెక్కుతుంది. అతడి పట్టుదలకు ముచ్చటేస్తుంది. అంతేకాదు.. ఇలా వైకల్యంతో బాధపడుతున్న ఎంతోమందికి అతడు స్ఫూర్తిగా నిలుస్తాడు. ఇంకెందుకు ఆలస్యం.. ఆ చిచ్చర పిడుగు ఆటను ఈ కింది వీడియోలో చూసేయండి.

వీడియో:
Also Read: ప్రియుడి తల్లికి షాకిచ్చిన యువతి.. డీఎన్ఏ పరీక్షతో రచ్చ, చివరికి తేలింది ఇదే!