వ్యక్తి ముక్కు, గొంతులో జలగలు, 2 నెలలుగా శరీరంలోనే కాపురం!

జలగ ఒక్కసారి పట్టుకుందంటే అంత ఈజీగా వదలదు. పైగా, అది రక్తాన్ని జ్యూస్ పీల్చినట్లు పీల్చేసి కడుపు నింపుకుంటుంది. అలాంటి జలగ మనిషి శరీరంలోకి ప్రవేశిస్తే పరిస్థితి ఎలా ఉంటుందో ఓ సారి ఊహించుకోండి. చాలా భయానకంగా ఉంటుంది కదూ. అయితే, చైనాలోని లంగ్యాన్ ప్రాంతానికి చెందిన ఓ వ్యక్తి ఏకంగా రెండు జలగలను తన శరీరంలో పెంచుకున్నాడు. ఒకటి కాదు, రెండు కాదు.. ఏకంగా రెండు నెలలు.

అదేం సరదా? వాటిని నీటి తొట్టెలో వేసుకుని పెంచుకోవచ్చు కదా అనే కదా మీ సందేహం. అయితే, అతడు కావాలని వాటిని శరీరంలో పెంచుకోవడం లేదు. అతడికి తెలియకుండా ఆ జలగలు శరీరంలోకి చొరబడ్డాయి. ఒకటి ముక్కులో, మరొకటి నోట్లో కాపురం పెట్టాయి. ఇటీవల అతడు తీవ్రమైన దగ్గుతో బాధపడుతున్నాడు. ఎన్ని మందులు వాడిన దగ్గు మాత్రం తగ్గడం లేదు.

Also Read: వ్యక్తి మెదడులో 700 పురుగులు.. ఆ మాంసం తిని ప్రాణాలమీదకు తెచ్చుకున్నాడు!

ఇటీవల అతడు దగ్గుతున్నప్పుడు రక్తం కూడా పడింది. దీంతో కంగారుపడి వైద్యుడిని సంప్రదించాడు. వైద్యులు అతడికి సీటీ స్కాన్ చేసి.. ఏమీ లేదని తేల్చేశారు. ఎండోస్కోపీ తరహాలో ‘బ్రోంకోస్కోపీ’ పరీక్ష జరిపారు. ఈ సందర్భంగా అతడి ముక్కులోని కుడి రంధ్రంలో ఒక జలగ, గొంతు వద్ద మరో జలగను కనుగొన్నారు. అతడికి మత్తుమందు ఇచ్చి వాటిని విజయవంతంగా బయటకు తీశారు.

Also Read: కుక్క నాకడంతో ప్రాణాలు కోల్పోయిన యజమాని.. ఘటనపై షాకింగ్ వాస్తవాలు!

ఆ జలగలు ఇంకా బతికే ఉన్నాయని, ఇన్నాళ్లూ అతడి రక్తాన్ని పీల్చుకుంటూ గడిపేశాయని వైద్యులు తెలిపారు. బాధితుడు అటవీ ప్రాంతంలో పనిచేస్తుంటాడని, పర్వతాల నుంచి వచ్చే నీటిని తాగినప్పుడు జలగలు నూటిలోకి వెళ్లిపోయి ఉంటాయని తెలిపారు. అవి సూక్ష్మ రూపంలో ఉండటం వల్ల అతడి కంటికి కనిపించి ఉండవన్నారు. శరీరంలోకి చేరిన తర్వాత అవి అతడి రక్తాన్ని తాగుతూ పెరిగాయని తెలిపారు. చూశారుగా.. ఈ సారి నీటిని తాగుతున్నప్పుడు జాగ్రత్తగా ఉండండి.