Dog for Guitar : గిటార్ వాయించేందుకు వచ్చిన కుక్క.. ఎంత ఆసక్తో...

Dog for Guitar : కుక్కలకు మనుషులంటే చాలా ఇష్టం. ఎందుకోగానీ... విపరీతమైన విశ్వాసం మనపై చూపిస్తాయి. కుక్కకు ఎప్పుడైనా ఆపద వచ్చినప్పుడు... దగ్గర్లో ఎవరైనా మనిషి కనిపిస్తే... వాటికి ధైర్యం వస్తుంది. మనం వాటిని కాపాడతామని అవి నమ్ముతాయి. అందుకే మనుషులకు అవి ఇట్టే దగ్గరవుతాయి. తాజాగా ఓ కుక్కకు సంబంధించిన వీడియో సోషల్ మీడియాలో వైరల్ అయ్యింది. దాన్ని గమనిస్తే... ఓ ఊర కుక్క... ఓ బార్ లో జరుగుతున్న మ్యూజిక్ కార్యక్రమానికి వచ్చింది. అక్కడ గిటార్ వాయించే వారి ముందు కూర్చొని చూసింది. (dog like guitar music)

తోక ఊపుతూ ఎంతో ఆనందం వ్యక్తం చేసిన ఆ కుక్కకు... గిటార్ వాయించాలనే కోరిక కలిగింది. వాయించే వ్యక్తికి దగ్గరగా వెళ్లడంతో... అతను కుక్కను సరదాగా నిమిరాడు. అలా చక్కగా నిమిరించుకుంటూ... తన కాళ్లతో గిటార్ వాయించేందుకు ఆ డాగ్ ప్రయత్నించింది. దాని సరదాని గమనించిన ఆయన... సరేలే అని కాసేపు కుక్క కాలితో గిటార్ వాయించాడు. దానికి ఆ కుక్క ఎంతో సంబరపడిపోయింది. మరిన్నిసార్లు అలా వాయించేందుకు ప్రయత్నించినట్లు వీడియోలో కనిపించింది. (dog at music program video)

ఈ వీడియోని ట్విట్టర్ లోని @GoodNewsCorres1 అకౌంట్ లో ఆగస్ట్ 12, 2022న పోస్ట్ చేశారు. దీన్ని ఇప్పటివరకూ 70 వేల మందికి పైగా చూశారు. 3,366 మంది లైక్ చేశారు. (dog likes to play guitar)

ఆ వీడియోని ఇక్కడ చూడండి (viral video)
Asteroids : భూమి వైపుగా 4 గ్రహశకలాలు.. ఏం జరుగుతోంది?
నెటిజన్లు ఈ వీడియోపై తమ అభిప్రాయాలు తెలిపారు. "ఇది చాలా అందంగా ఉంది. ఈ రోజంతా నాకు ఆనందం కలుగుతోంది" అని ఓ యూజర్ కామెంట్ ఇవ్వగా... "ఆ కుక్క మిమ్మల్ని ఎంచుకుంది. దాన్ని ఇంటికి తీసుకెళ్లి పెంచుకోండి" అని మరో యూజర్ కామెంట్ ఇచ్చారు.
Joe Biden : జో బిడెన్ కి ఏమైంది.. స్కిజోఫ్రీనియా వచ్చిందా?
"ఈ రోజు నేను చూసిన వాటిలో ఇది అత్యంత అందంగా ఉంది" అని మరో యూజర్ కామెంట్ ఇవ్వగా... "ఆ కుక్కను కూడా అతను మ్యూజిక్ తో మెప్పించాడంటే... కచ్చితంగా అతను మంచి మ్యూజీషియన్" అని మరో యూజర్ స్పందించారు. "ఆ కుక్క ఇట్టే కలిసిపోతోంది. నేను అనుకోవడం ఎవరో ఒకరు దాన్ని ఇంటికి తీసుకెళ్లే ఉంటారు" అని మరో యూజర్ కామెంట్ ఇచ్చారు.