ఆ కుక్కకు రెండు నోర్లు.. చెవిలో మరొక నోరు!

టాడ్ అనే ఈ కుక్కకు ‘తలలో నోరు’ ఉంది. సరిగ్గా చెవి ఉండాల్సిన ప్రాంతంలో దానికి నోరు ఉంది. ఆ నోట్లో రెండు పళ్లు కూడా ఉన్నాయి. కానీ, నాలుక లేదు. అమెరికాలోని ఒక్లహోమా నగర వీధుల్లో తిరుగుతున్న ఈ కుక్కను ముట్ మిస్ఫిట్స్ అనే స్వచ్ఛంద సంస్థ సభ్యులు అక్కున చేర్చుకుని దాని ఆలనాపాలన చూస్తున్నారు.

ఈ కుక్కను చూసేందుకు సాధారణంగానే కనిపిస్తుంది. కానీ, దానికి సరిగా వినిపించదు, కనిపించదు, సరిగా వాసన కూడా చూడలేదు. దాని తలలోని అవయవాల అమరికలో లోపాలే ఇందుకు కారణమని వైద్యులు తెలుపుతున్నారు. దాని బాగోగులు చూసుకుంటున్న హీదర్ మాట్లాడుతూ.. ‘‘మొదట్లో టాడ్‌ను చూసినప్పుడు దానికి మూడు చెవులు ఉన్నాయేమో అనుకున్నాం. దాన్ని పరీక్షించగా అక్కడ మూడు దంతాలు కనిపించాయి. వాటిలో ఒకటి విరిగిపోయింది ఉంది. దాన్ని తొలగించిన తర్వాత టాడ్ కొంచెం రిలీఫ్‌గా ఫీలైంది. అయితే, చెవి వద్ద నోటికి నాలుక, దవడలు వంటివి లేవు. అది తలకు ఉండే పుర్రెతో కలిసి ఉంది’’ అని తెలిపింది.