Video: కుదురులేని కుక్క.. కర్రతో మద్యం బాటిళ్లను ఏం చేసిందంటే..!

ఎంత మనుషులతో పెరిగినా... కుక్కలు, కుక్కలే. వాటికి మనలా అన్నీ తెలియవు. వాటికి తెలిసిందేదో చేస్తాయి.. ఒక్కోసారి ఆ పనులు రివర్స్ కొడతాయి. జర్మన్ షెపర్ట్ జాతికి చెందిన ఓ కుక్క చేసిన పని మందుబాబులకు ఆగ్రహం తెప్పిస్తోంది. ఆ కుక్క ఎక్కడి నుంచి తెచ్చుకుందో కానీ... ఓ పొడవాటి కర్రను నోట కరచుకొని ఇంట్లోకి వచ్చింది. ఎంట్రీ డోర్‌ని తీసి మరీ లోపలికి వచ్చి... కొంపలు మునిగినట్లు పరుగులు పెట్టసాగింది. అసలు ఎందుకలా చేసిందో ఏమో... ఇంట్లో చాలా వస్తువులు ఉంటాయి. పొడవైన కర్రను ఎడాపెడా తీసుకెళ్తే... అది వస్తువులకు తగలకుండా ఉంటుందా... కింద ఉన్న ఓ షెల్ఫులో... మద్యం బాటిళ్లు, ఇతర సరంజామా ఉండగా... ఈ కుక్క సరిగ్గా ఆ కర్రను మద్యం బాటిళ్లకు తగిలించింది. (dog funny video)

కుక్క ఇలా కర్రను బాటిళ్లకు తాకించడంతో... కొన్ని బాటిళ్లు పక్కకు ఒరిగిపోగా... కొన్ని వస్తువులు కిందపడ్డాయి. దాంతో పెద్ద శబ్దం వచ్చింది. అదిరిపడిన కుక్క... "నాకేం తెలీదు నాయనో" అన్నట్లుగా భయపడుతూ... కర్రను అలాగే వదిలేసి ఇంటి బయటకు పారిపోయింది. ఆ తర్వాత మళ్లీ తాపీగా లోపలికి వచ్చింది. (animal video)

ఆ వీడియో (viral video)ని ఇక్కడ చూడండి

ఆ కుక్క చేసిన పని చూసి అందరూ తెగ నవ్వుతున్నారు. మద్యం బాటిళ్లకు కర్ర తగిలినప్పుడు అది పడిన కంగారు చూసి నెటిజన్లు ఫుల్ ఫన్ ఫీలవుతున్నారు.

ఆ కుక్క పేరు సాడీ మాయ్. ఏదో చేద్దామనుకొని... కర్ర తెచ్చి... ఇంకేదో చేసింది. తన యజమాని ఆల్కహాల్ బాటిళ్లకు కర్రను తగిలించింది. ఐతే... బాటిళ్లు పగిలాయా లేదా అన్నది తెలియలేదు.

Video: ఇది కలా.. నిజమా.. ఆ కుక్క మాట్లాడుతోంది..!
యూట్యూబ్‌లోని Animal Lovers అకౌంట్‌లో షేర్ చేసిన ఈ వీడియో నెటిజన్లను నవ్విస్తోంది. సోషల్ మీడియాలో ఈ వీడియోని ఇప్పటికే 53 లక్షల మంది చూశారు. "గర్వంగా లోపలికి వెళ్లింది... షేమ్ అవుతూ బయటకు వచ్చింది" అని ఓ యూజర్ స్పందించారు. "అది చూశారా బయటకు పారిపోయి... మళ్లీ ఏమీ ఎరగనట్లు ఎలా వచ్చిందో" అని మరో యూజర్ స్పందించారు.