Video: ప్రమాదంలో కాలు కోల్పోయి.. మనిషిలా నడుస్తున్న కుక్క!

ఆ కుక్క పేరు డెక్స్‌టెర్ (Dexter). వయసు ఆరేళ్లు. ఓ కారు ప్రమాదం (dog lost leg in car accident)లో ముందుండే రెండు కాళ్లలోని కుడి కాలును కోల్పోయింది. ఆ తర్వాత మూడు కాళ్లతో నడవడానికి ఇబ్బంది పడింది. అలాంటి కుక్క... క్రమంగా... వెనకున్న రెండు కాళ్లతో నడవడం అలవాటు చేసుకుంది. ఇప్పుడు అది పూర్తిగా మనిషిలా రెండు కాళ్లతో చక్కగా నడిచేస్తోంది. ఎలాంటి ఇబ్బందీ పడట్లేదు. కరోనా వైరస్ ఎలాగైతే... వాతావరణ మార్పులను బట్టీ... రూపాంతరం (mutation) చెందుతుందో... అదే విధంగా ఈ కుక్క కూడా... తన పరిస్థితులను బట్టీ... తనను తాను మార్చుకుంది. (dog walks like human)

డెక్స్‌టెర్ ఓనర్ రెగ్యులర్‌గా కుక్క వీడియోలను సోషల్ మీడియాలో పోస్ట్ చేస్తున్నారు. వాటిలో అది రెండు కాళ్లతో నడుస్తోంది. తాజా వీడియోలో డెక్స్‌టెర్ కిచెన్ లో రెండు కాళ్లతో నిలబడివుంది. అక్కడ అది కౌంటర్ పైన ఏయే వస్తువులు ఉన్నాయో చూస్తోంది. కాసేపటికి దాని ఓనర్ దాన్ని పిలవగానే... ఆ కుక్క రెండు కాళ్లపై నడుస్తూ అతని దగ్గరకు వచ్చేసింది.

ఆ వీడియో (viral video)ని ఇక్కడ చూడండి

ఇలా చాలా వీడియోలున్నాయి. "భూమిపై అత్యంత ఆనందకరమైన కుక్క. కుక్కలు మనుషుల లాగా నడవగలవు. దాన్ని ఖండించలేం" అని ఓ వీడియోకి క్యాప్షన్ ఇచ్చారు.

డెక్స్‌టెర్ ఓనర్ అమెరికా... కొలరాడో రాష్ట్రంలోని ఓరేకి చందిన కెంటీ పాసెక్. "అదో విషాదం. పక్కనే ఉన్న వెట్ టౌన్‌కి కారులో మాతోపాటూ వచ్చింది. 45 నిమిషాల ప్రయాణంలో ఆ రాత్రి ప్రమాదం జరిగింది. దాని పరిస్థితి దారుణంగా మారింది. కాలు పోయింది. వెంటనే సర్జరీ జరిపించాం. కానీ నెమ్మదిగా రికవరీ అయ్యింది. సంవత్సరంలో 5 సర్జరీలు జరిగాయి" అని కెంటీ తెలిపారు.

Video: కుక్కను ఏడిపించాడు.. వెంటనే ఆవు ఏం చేసిందో తెలుసా?
ఇప్పుడు ఈ కుక్కను చూసి వారు ఎంతో ఆనందిస్తున్నారు. మనుషుల లాగా అది నడుస్తుండటం వారికి ఎంతో సంతోషం కలిగిస్తోంది. చుట్టుపక్కల ఎవరైనా కొత్తగా వచ్చిన వారు ఈ కుక్కను తొలిసారి చూస్తే.. ఇలా ఎలా నడిచేస్తోంది అని ఆశ్చర్యపోతున్నారు. నెటిజన్లకు కూడా డెక్స్‌టెర్ అంటే చాలా ఇష్టం. తరచూ వారు కామెంట్లలో తమ ప్రేమను హార్ట్ ఇమోజీల ద్వారా వ్యక్తం చేస్తున్నారు.