సముద్ర జీవుల్లో అత్యంత తెలివైనవి డాల్ఫిన్లు. అవి అచ్చం మనుషుల లాగా ఆలోచించగలవని పరిశోధనల్లో రుజువైంది. అందుకు తగ్గట్టుగానే తరచూ డాల్ఫిన్లు మనుషులతో పోటీ పడుతూ ఉంటాయి. కొన్ని సందర్భాల్లో ఆపదలో ఉన్న మనుషుల్ని కాపాడతాయి. జపాన్ లాంటి దేశాల్లో డాల్ఫిన్లతో షోలు నిర్వహిస్తూ ఉంటారు. తాజాగా ఓ సర్ఫర్‌ని డాల్ఫిన తోసేయడం వైరల్ అయ్యింది. ఆ వీడియో సోషల్ మీడియాలో చక్కర్లు కొడుతుంటే... దాన్ని చూసి నెటిజన్లు తెగ నవ్వుతున్నారు. ఆ వీడియోని మనం కూడా చూద్దాం.
ఆసియా దేశాల సముద్రాల్లో తరచూ డాల్ఫిన్లు కనిపిస్తూ ఉంటాయి. అవి అప్పుడప్పుడూ సర్ఫర్లతో పోటీ పడతాయి. నౌకల వెంట వెళ్తూ... ఎంజాయ్ చేస్తాయి. అవి మనుషులపై దాడి చేసే సందర్భాలు తక్కువే. తాజాగా సముద్రంలో తన మానాన తాను సర్ఫింగ్ చేసుకుంటున్న వ్యక్తిపై డాల్ఫిన్ దాడి చెయ్యడం అందర్నీ ఆశ్చర్యపరుస్తోంది. ఇందుకు సంబంధించిన వీడియోని ఇన్‌స్టాగ్రామ్‌ లోని failarmy పేజీలో జూన్ 17న పోస్ట్ చెయ్యగా... ఇప్పటికే లక్షల మంది చూశారు. 71 వేల మందికి పైగా లైక్ చేశారు. (dolphin attack on surfer)
ఈ వీడియోని గమనిస్తే... ఓ సర్ఫర్ ఒంటరిగా సర్ఫింగ్ చేసుకుంటూ సముద్ర అలలపై సాగుతున్నాడు. అతని వెనక ఓ అల రాసాగింది. అందులో కొన్ని డాల్ఫిన్లు ఆడుకుంటూ అతనివైపు వస్తున్నాయి. వాటిలో ఓ డాల్ఫిన్.. తన దారికి అడ్డుగా ఉన్నాడన్న ఉద్దేశంతో ఆ సర్ఫర్‌పైకి దూకి.. అతన్ని నీటిలోకి తోసేసింది. అతను పడిపోగానే.. డాల్ఫిన్ మళ్లీ నీటిలోకి గెంతుతూ వెళ్లిపోయింది. ఐతే.. అతన్ని తోసేయడానికి ఆ డాల్ఫిన్ తన తలనో, రెక్కలనో ఉపయోగించలేదు. తన వీపు భాగాన్ని ఉపయోగించింది. అలా తోస్తేనే అతను పడిపోతాడని అది భావించడం నెటిజన్లను నవ్విస్తోంది. (dolphin throws a surfer)
ఆ వీడియోని ఇక్కడ చూడండి (viral video)
View this post on Instagram A post shared by FailArmy (@failarmy)
ఈ దాడిలో సర్ఫర్‌కి ఏమీ కాలేదు. ఐతే.. ఇది ఇప్పుడు జరిగిన ఘటన కాదు. దీనికి సంబంధించిన వీడియో యూట్యూబ్‌లోని DrewTheEntertainer ఛానెల్‌లో 2018 ఏప్రిల్ 29న అప్‌లోడ్ అయ్యింది. దాన్ని ఇప్పటివరకూ 36 వేల మందికి పైగా చూశారు. (dolphin funny video) viral video: అతనికి వార్నింగ్ ఇచ్చిన ఏనుగు.. ఏం తప్పు చేశాడు? ఆ వీడియోని ఇక్కడ చూడండి viral video: అదృష్టవంతులంటే వీళ్లే.. మృత్యువు నుంచి తృటిలో తప్పించుకున్నారు ఈ వీడియోపై ఫన్నీ కామెంట్స్ వస్తున్నాయి. "కచ్చితంగా ఇది ప్రమాదం కాదు" అని ఓ యూజర్ కామెంట్ ఇవ్వగా... "డాల్ఫిన్స్ తెలివైనవి. నన్ను చూడండి ఏం చేస్తానో అని అది తోటి డాల్ఫిన్లకు చెప్పింది" అని మరో యూజర్ కామెంట్ ఇచ్చారు. "పద.. నాతో ఆడు" అని మరో యూజర్ ఫన్నీ కామెంట్ ఇచ్చారు. viral video: రియల్ హీరో.. అడవి దున్నతో పోరాడి చిన్నారిని కాపాడాడు తిమింగలాలు, షార్కుల లాగానే డాల్ఫిన్ల సంఖ్య కూడా తగ్గిపోతోంది. మనుషులతో స్నేహంగా ఉండే ఈ జీవులను మనుషులే చంపేస్తున్నారు. తూర్పు ఆసియా దేశాల్లో వీటి వేట చాలా ఎక్కువగా జరుగుతోంది. ఈ చర్యలను ఆపాలని తరచూ ఆందోళనలు జరుగుతున్నా ప్రయోజనం కనిపించట్లేదు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
