సూపర్ మార్కెట్లో కొనుగోలుచేసిన సలాడ్‌లో బతికున్న కప్ప కనిపించింది. దీంతో వారికి కడుపులో తిప్పినంత పనైంది.
Samayam Telugu20 Aug 2019, 6:16 pm
ఆర్గానిక్ (ఆకు కూరల) సలాడ్ ఆరోగ్యానికి మంచిదని ఆ కుటుంబం రోజూ దాన్నే ఆహారంగా తీసుకుంటున్నారు. అయితే, ఇటీవల వారికి అనుకోని షాక్ ఎదురైంది. వారు తయారు చేసుకున్న ఆర్గనిక్ సలాడ్‌లో అనుకోని అతిథి ‘బెక.. బెక’ అంటూ పలకరించింది. అది మరెదో కాదు ఓ కప్ప. దాన్ని చూడగానే ఎగిరి దూకేంత పనిచేశారు.
కాలిఫోర్నియాలోని గ్లెన్డాలే ప్రాంతానికి చెందిన అల్లెన్ తన కుటుంబ సభ్యులతో కలిసి ఆర్గనిక్ సలాడ్‌ను తినేందుకు చేస్తుండగా ఈ చేదు అనుభవం ఎదురైంది. గతవారం అల్లెన్ నార్త్‌పోర్ట్ వాషింగ్టన్ రోడ్‌లో సలాడ్ కొనుగోలు చేశాడు. ఇటీవల అందులోని ఆకులను తినేందుకు ప్యాకెట్ విప్పేందుకు ప్రయత్నించి షాకయ్యాడు. అందులో బతికి ఉన్న కప్పను చూడగానే అల్లెన్‌కు ఒళ్లు జలదరించింది. వెంటనే దాన్ని వీడియో తీసి సోషల్ మీడియాలో పోస్టు చేశాడు. దీంతో అది వైరల్‌గా మారింది. చూశారుగా.. పచ్చి కూరగాయలు తినేప్పుడు తప్పకుండా వాటిలో ఏమున్నాయో చూసుకోండి. అల్లెన్‌కు లక్కీగా కప్ప మాత్రమే వచ్చింది. సలాడ్‌లో పాములు కనిపించిన సందర్భాలు కూడా చాలానే ఉన్నాయి. కాబట్టి జాగ్రత్త!!
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
