ఫన్నీ ఘటన.. నేరగాడిని పట్టించిన ‘పిత్తు’, ఎలాగంటే..

‘పిత్తు’ (అపానవాయువు) అనగానే.. ఛీ బూతు అనకండి. ఎందుకంటే.. ఇది పెద్ద పెద్ద నేరగాళ్లను కూడా పట్టిస్తుంది. అదెలా సాధ్యం అనుకుంటున్నారా? అయితే, ఇంగ్లాండ్‌లోని నాటింగ్హామ్‌షైర్‌లో చోటుచేసుకున్న ఈ ఘటన గురించి తెలుసుకోవల్సిందే.

సాధారణంగా నేరగాళ్లను పట్టుకోడానికి పోలీసులు ఎన్నో సాధానాలను ఉపయోగిస్తారు. జీపీఎస్, ఫోన్ కాల్స్ వంటి ట్రేస్ చేయడం సర్వ సాధారణం. అయితే, వెస్ట్ బాసెట్లా పోలీసులు పెద్దగా కష్టపడాల్సిన అవసరమే రాలేదు. రెండు కేసుల్లో వాంటెండ్ క్రిమినల్‌గా ఉన్న ఓ నేరగాడు ఇటీవల పోలీసుల కంటపడ్డాడు. దీంతో పోలీసులు అతడిని వెంటాడారు.

Also Read: ఆ ‘కంపు’తో కరోనా వ్యాపిస్తుందా? ప్రాణాలను ‘గాల్లో’ కలిపేస్తుందా?

అతడు పరిగెడుతూ దట్టమైన తుప్పలతో ఉన్న అటవీ ప్రాంతంలోకి పారిపోయాడు. ఇక అతడు దొరకడు అనుకున్న సమయానికి.. తుప్పల నుంచి ఓ శబ్దం వచ్చింది. ఆ శబ్దం ఆధారంగా పోలీసులు నెమ్మదిగా అటువైపు వెళ్లారు. అప్పటివరకు చుక్కులు చూపించిన నేరగాడు దొరికాడు. పోలీసులు అతడిని అదుపులోకి తీసుకుని పోలీస్ స్టేషన్‌కు తరలించారు.

Also Read: ఛీ పాడు.. పిత్తులతో దోమలను చంపేస్తున్న వ్యక్తి, అతడి ‘గ్యాస్’తో మందు తయారీ!

ఇంతకీ ఆ తుప్పల నుంచి వచ్చిన శబ్దం ఏమిటో తెలుసా? ఆ నేరగాడి ‘పిత్తు’. తుప్పల వెనకాల నక్కిన అతడు శబ్దం చేయకుండా పోలీసుల నుంచి బాగానే తప్పించుకున్నాడు. కానీ, గట్టిగా వచ్చిన పిత్తునే ఆపుకోలేక దొరికిపోయాడు. ఈ ఘటన కొంచెం ఎబ్బెట్టుగానే ఉండవచ్చు. కానీ, ఇలాంటి ఫన్నీ విషయాలు తెలుసుకుంటే.. కాసేపు హాయిగా నవ్వుకోవచ్చు. ఈ విషయాన్ని పోలీసులే స్వయంగా తమ ఫేస్‌బుక్ అకౌంట్ ద్వారా వెల్లడించారు.