ఏందిరా అయ్యా.. డైరీ‌మిల్క్ చాక్లెట్‌తో పకోడీ.. టేస్ట్ ఎలాగుందంటే..

ఇప్పటి వరకు మనం అనేక రుచులను చూసుంటాం. కానీ డైరీమిల్క్ చాక్లెట్‌తో పకోడీ టేస్ట్ మాత్రం చూసుండం. అంతెందుకు చాలా మందికి అసలు డైరీమిల్క్ చాక్లెట్‌తో పకోడీ ఎలా చేస్తారో కూడా తెలియదు. ప్రస్తుతం సోషల్ మీడియాలో దీనికి సంబంధించిన వీడియో వైరల్ అవుతోంది. ఈ వీడియోని చూసిన ప్రతి ఒక్కరూ షాక్ అవుతున్నారు. ఫన్నీ కామెంట్లతో రిప్లై ఇస్తున్నారు. ఇప్పటికే మనం నూడుల్స్‌తో రకరకాల వంటకాలు, మనకు తెలియని వెరైటీ వంటకాలు చేయడం గురించి విన్నాం.. చూశాం.. ఈ డైరీమిల్క్ పకోడీ కొత్తగా ఉండటంతో అంతా వీడియోని చూస్తున్నారు.

చాక్లెట్‌తో పకోడీ.. ఎలాగంటే..
రోడ్డు పక్కన బండి పెట్టుకున్న ఒక మహిళ డైరీమిల్క్ చాక్లెట్‌ను తీసుకుని పకోడీల కోసం కలిపిన పిండిలో ముంచి.. పిండితో పాటుగా.. వేడిగా ఉన్న నూనెలో వేసి డీప్ ఫ్రై చేసింది. తర్వాత ఒక గరిటెతో ఆ చాక్లెట్ పకోడీలను బయటకు తీసింది. వాటి మీద కొంచెం మసాలా, కొంత గ్రీన్ చట్నీ వేసి ఇద్దరు కస్టమర్లకు సర్వ్ చేసింది.

లొట్టలేసుకునేలా ఉన్నాయంటూ...
ఈ పకోడీలను తీసుకున్న కస్టమర్లు లొట్టలేసుకుంటూ తిన్నారు. వారు ఇచ్చిన హావభావాలను బట్టీ.. ఇవి వారికి బాగా నచ్చాయనిపిస్తోంది.


ఆ వీడియోని ఇక్కడ చూడండి

వైరల్ వీడియో : ఆకలితో ఉన్న ఎలుగుబంటి సూపర్ మార్కెట్లో దూరి ఏం చేసిందో తెలుసా?
అనారోగ్యకరం:
ఈ వీడియోని చూసిన కొంతమంది ఫుడ్ లవర్స్ బాగుందని అంటుంటే.. కొంత మంది మాత్రం ఇదేంట్రా.. అని విసుక్కుంటున్నారు. నిజానికి ఇది ఏమాత్రం ఆరోగ్యకరం కాదు. ఎందుకంటే తినాల్సిన డైరీమిల్స్‌ని నూనెలో ఫ్రై చెయ్యకూడదు. పైగా.. అంత చాక్లెట్‌ని ఒకేసారి తింటే.. బాడీలో షుగర్ లెవెల్స్ పెరుగుతాయి. అది ప్రమాదకరం. పకోడీ అనేది హాట్‌గా ఉంటేనే బాగుంటుంది. దానికి స్వీట్ కలిస్తే టేస్ట్ బాగోదు. ఈ వీడియో షూట్ చేసిన వారే.. ఆ మహిళతో కావాలని ఇలా చేయించారేమో అనే అనుమానం నెటిజన్లకు కలుగుతోంది.

Read Latest Viral News and Telugu News