Video: కొడుకును కారుతో తొక్కిచంపిన తండ్రి.. చూసుకోకుండా!

కార్లలో ప్రయాణం సంగతి అలా ఉంచితే... కార్లతో ఓ పెద్ద సమస్య ఉంది. డ్రైవింగ్ సీట్ నుంచి ముందుకి కార్ ఇంజిన్ ఉంటుంది. ఆ బానెట్ చాలా పొడవుగా... దూరంగా ఉంటుంది. ఫలితంగా... కారు ముందు బానెట్ దగ్గర ఎవరైనా చిన్న పిల్లలు ఉంటే... కారు డ్రైవింగ్ సీటులో కూర్చున్న వ్యక్తికి కనిపించరు. అలాగని కారు ఎక్కే ప్రతిసారీ... బానెట్ దగ్గర పిల్లలున్నారా అని చూసుకొని ఎక్కడం కుదరని పని. ఈ ఘటనలో సరిగ్గా అదే జరిగింది. హైదరాబాద్‌ లోని ఎల్బీనగర్‌లో ఇది జరిగినట్లుగా... ట్విట్టర్‌లోని @SpaceAuditi అనే అకౌంట్‌లో వీడియో పోస్ట్ చేసి... క్యాప్షన్ పెట్టారు. (hyderabad car accident) "విషాద ఘటన. తండ్రి చూసుకోకుండా కారును పిల్లాడిపై నుంచి నడపడంతో... చిన్నారి చనిపోయాడు. ఈ దృశ్యం ఇబ్బందిగా ఉండొచ్చు" అని క్యాప్షన్‌లో తెలిపారు. (father killed son by car)

ఈ ఘటనను మనం పరిశీలిస్తే... కారు నడపాలనుకున్న వ్యక్తి... కారు డ్రైవింగ్ సీటు దగ్గరకు వెళ్తుంటే... వెనకాలే ఆయన కూతురు పరుగెడుతూ వెళ్లింది. ఆమెను తండ్రి చూశాడు. ఆ తండ్రి డ్రైవింగ్ సీటులో కూర్చొని ఆ పాపతో ఏదో మాట్లాడుతుండగా... ఆయన కొడుకు మెల్లగా కారు బానెట్ దగ్గరకు వచ్చాడు. కూతురితో మాట్లాడుతూ... కొడుకు కారు దగ్గరకు రావడాన్ని తండ్రి గమనించలేదు. ఆ పిల్లాడు సరిగ్గా కారు బానెట్ దగ్గరకు వచ్చి... ఓసారి కారు వెనక్కి వెళ్లాడు. తిరిగి మళ్లీ కారు బానెట్ దగ్గరకు వచ్చాడు. ఇది తండ్రి గమనించలేదు. కారు స్టార్ట్ చేసి ముందుకు నడిపాడు. దాంతో... పిల్లాడు కారు కింద పడ్డాడు. ఆ పిల్లాణ్ని హడావుడిగా ఇంట్లోకి తీసుకెళ్లినట్లు వీడియోలో ఉంది. (father accidentally killed son). ఆ పిల్లాణ్ని దగ్గర్లోని ఆస్పత్రికి తీసుకెళ్లగా... అప్పటికే చనిపోయినట్లు డాక్టర్ చెప్పినట్లు సమాచారం.

ఆ వీడియో (car accident video)ని ఇక్కడ చూడండి

మీరు గమనించారో లేదో... ఆ చిన్నారి ఇంట్లోంచీ బయటకు రోడ్డుపైకి వెళ్లేటప్పుడు... ఏవైనా వాహనాలు వస్తున్నాయేమో అని అటూ ఇటూ చూశాడు. ఏవీ రావట్లేదు అనుకున్నాకే కారు దగ్గరకు పరుగెత్తాడు. తన గురించి తాను అంత జాగ్రత్తగా ఉన్నాడు. అలాంటిది... తండ్రి కారు రూపంలో మృత్యువు ఒడిలోకి వెళ్లిపోయాడు. ఇదే కారు బానెట్‌తో వచ్చే సమస్య. ముందు ఎవరున్నదీ కనిపించదు. అనుకోకుండా జరిగిన ఈ దురదృష్టకర ఘటనలో ఆ చిన్నారి ప్రాణాలు కోల్పోయినట్లు ట్వీట్ క్యాప్షన్‌ని బట్టీ తెలిసింది. ఈ దృశ్యాన్ని అక్కడి సీసీటీవీ కెమెరా రికార్డ్ చేసింది. అందువల్లే ప్రమాదం ఎలా జరిగిందో మనకు అర్థమవుతోంది. (Shocking video).
Video: ఇది కలా.. నిజమా.. ఆ కుక్క మాట్లాడుతోంది..!
ఇప్పుడీ ఫ్యామిలీ ఆ చిన్నారిని కోల్పోవడమే కాదు... కారు ప్రమాదం కేసులో ఆ తండ్రి జైలుకు వెళ్లే పరిస్థితి. విషాదం వెనక ఎదురుదెబ్బ. ఇంట్లో పిల్లలతో... కార్లు డ్రైవ్ చేసేవాళ్లకు ఈ వీడియో ఓ హెచ్చరిక అనుకోవచ్చు. ఇకపై వారంతా... కారు డ్రైవ్ చేసే ముందు... చుట్టూ పిల్లులున్నారేమో చూసుకుంటే మంచిదే. ప్రాణం పోయాక ఎంత బాధపడినా ప్రయోజనం ఉండదు కదా. ఇప్పుడీ విషాదం ఈ ఫ్యామిలీని జీవితాంతం వెంటాడుతూనే ఉంది. వారి బాధ మాటల్లో చెప్పలేనిది.