టేబుల్ సొరుగులో 200 పైగా పాములు కాపురం.. ఒట్టి చేతులతో పట్టేసుకున్నారు!

టేబుల్ సొరుగు తెరవగానే మీకు పాములు కనిపిస్తే ఎలా ఉంటుంది? దెబ్బకు హడలిపోతారు కదూ. ఇదిగో ఈ క్రేజీ వీడియో చూస్తే మీరు హడలిపోతారు. ఎందుకంటే.. ఈ డెస్కులో ఒకటి కాదు.. రెండు కాదు.. 200 పైగా పాములు కాపురం పెట్టేశాయి. ర్యాట్ స్నేక్‌‌ అనే ఈ పాములు అందులోకి ఎప్పుడు దూరాయో ఏమో.. వందలాది పిల్లలను పెట్టేశాయి.

‘స్నేక్ వైల్డ్’ అనే ఫేస్‌బుక్ పేజీలో పోస్టు చేసిన ఈ వీడియో చూస్తే.. తప్పకుండా గుండె జారుతుంది. ఈ వీడియోలో ఉన్న యువకులు.. ఓ పాడుబడిన ఇంట్లోని ఓ టేబుల్‌ సొరుగును పగలగొట్టగా పాములు కనిపించాయి. ఓ యువకుడు సొరుగుకు కన్నం పెట్టి ఒట్టి చేతితో గుట్టల కొద్ది పాములను బయటకు తీశాడు. అతడు తీసేకొద్ది పాములు బయటకు వస్తూనే ఉన్నాయి. ఆ తర్వాత మరో రెండు పెద్ద పాములను కూడా బయటకు తీశాడు. అయితే, ఈ వేట అంతటి ఆగలేదు. మరో సొరుగులో కూడా వందలాది పాము పిల్లలు ఉన్నాయి. వాటిని వీరు ఎంతో ధైర్యంగా చేతులతో బయటకు తీస్తుంటే.. మనకు కాళ్లు చేతులు వణుకుతాయి. ఈ టెరిఫిక్ వీడియోను చూసేందుకు మీరు ఫేస్‌బుక్‌లోని వారి పేజీని చూడాల్సి ఉంటుంది. సాంకేతిక కారణాల వల్ల ఆ వీడియో ఇక్కడ పోస్టు చేయలేకున్నాం. ఈ కింది లింక్ మీద క్లిక్ చేసి.. ఆ భయానక వీడియోను చూసేయండి.
టేబుల్ సొరుగు నుంచి ఒట్టి చేతులతో పాములను బయటకు తీస్తున్న యువకులు (ఇక్కడ క్లిక్ చేసి వీడియోను చూడండి).