video: గుడ్డతో షట్టర్ తెరచి.. చోరీ.. ఏంది మామా ఇదీ!

అర్థరాత్రి 12 దాటి చాలా సేపైంది. ప్రజలంతా ఉక్కపోతల మధ్య... దోమలతో సావాసం చేస్తూ నిద్రపోతున్న సమయం. పొగమంచు మెల్లగా కురుస్తూ చల్లదనం తెస్తోంది. అంతలో అటూ ఇటూ షాపులు ఉన్న సందులో కదలిక. కొన్ని నీడలు అటుగా వచ్చాయి. చూస్తే అవి మనుషుల నీడలు. ఐదుగురు వ్యక్తులు. సన్నగా కరెంటు తీగల్లా ఉన్నారు. ఓ ఫర్నిచర్ షాపు ముందు ఆగారు. అటూ ఇటూ చూశారు. సైగలు చేసుకున్నారు. ఇద్దరు వ్యక్తులు... అటూ ఇటూ చూస్తుండగా.. ముగ్గురు వ్యక్తులు షట్టర్ ఎత్తేందుకు ప్రయత్నించారు. కుదర్లేదు. (theft with cloth)

ఆంతలో ఓ వ్యక్తి... "అరేయ్.. నీ మెడలో టవల్ ఇవ్వు" అన్నాడు. ఆ పొడవాటి టవల్‌ని షట్టర్‌ ఎత్తేందుకు పట్టుకునే ఐరన్ కీలో దూర్చి.. గిరగిరా తిప్పి... ఐదుగురూ కలిసి బలంగా లాగారు. అంతే... 5 సెకండ్లకే లాక్స్ ఊడిపోవడమే కాదు... షట్టర్ కూడా వంగిపోయింది. వెంటనే ఇద్దరు వ్కక్తులు... ఎవరైనా వస్తున్నారేమో అని అటూ ఇటూ చూస్తుండగా.. ముగ్గురు వ్యక్తులు షాపులోకి వెళ్లి... ఓ కొత్త బరువైన బీరువాను బయటకు తెచ్చారు. అంతే ఐదుగురూ కలిసి దాన్ని ఎత్తుకుపోయినట్లు దృశ్యం ఉంది. (Thieves lift the shutter with cloth)

ఆ వీడియోని ఇక్కడ చూడండి (viral video)

ఇన్‌స్టాగ్రామ్‌లోని giedde పేజీలో ఈ వీడియోని 3 రోజుల కిందట పోస్ట్ చేశారు. షట్టర్ కూడా సేఫ్ కాదు అని క్యాప్షన్ ఇచ్చారు. ఈ వీడియోని ఇప్పటివరకు లక్షల మంది చూసి... 7వేల మందికి పైగా లైక్ చేశారు. కామెంట్లు కూడా వచ్చాయి.
video: పళ్లు తోమే రొయ్య.. దంతాలు మిలమిలా మెరుస్తాయి
"ఎలాగైనా చోరీ చేస్తున్నారు" అని ఓ యూజర్ కామెంట్ ఇవ్వగా... "ఏది సురక్షితంగా ఉంది" అని మరో యూజర్ కామెంట్ ఇచ్చారు. "టిప్ ఇచ్చినందుకు థాంక్స్.. ఇప్పుడే నా దోస్తులతో బయల్దేరుతున్నా" అని మరో యూజర్ స్పందించారు. "కొంతమంది దొంగలు ఇలాంటి ట్రైనింగ్ కూడా తీసుకుంటున్నారు" అని మరో యూజర్ కామెంట్ ఇచ్చారు. ఇది ఎక్కడ జరిగిందో, ఎప్పుడు జరిగిందో వివరాలు లేకపోయినా... జరిగిన విధానం మాత్రం ఆశ్చర్యం కలిగిస్తోంది.
video: సముద్ర తీరంలో వింత జీవి.. భయపడుతున్న ప్రజలు
షట్టర్‌లకు సైడ్ తాళాలతోపాటూ... మధ్యలో ఎర్త్ లాక్ ఉంటుంది. అది భూమిలోకి ఉంటుంది. ఈ షట్టర్‌కి ఎర్త్ లాక్ లేదేమో అనే డౌట్ వస్తోంది నెటిజన్లకు. అది ఉంటే ఇలా షట్టర్ పైకి వచ్చేది కాదు అంటున్నారు. ఏదేమైనా చోరీలు బాగా జరుగుతున్నాయి. దొంగలు తెలివిమీరిపోతున్నారు. చోరీ చెయ్యాలనుకుంటే.. ఏదో ఒకటి చేసి.. పని కానిస్తున్నారే తప్ప ఫెయిల్ అవ్వట్లేదు. సెక్యూరిటీని మరింత పెంచుకోవాల్సిన అవసరం కనిపిస్తోంది.