Funny video: అదీ అట్టా సెయ్యాల.. పుషప్స్ చేయించిన కంగారూ...

ఆస్ట్రేలియా జాతీయ జంతువులైన కంగారూలు (Australia Kangaroo) ఒక్కోసారి మనుషులతో స్నేహంగా ఉంటాయి... ఒక్కోసారి మనుషుల్ని ఇబ్బంది పెడతాయి. రెండు కాళ్లతో లేచి... తోకతో బ్యాలెన్స్ చేసుకుంటూ... ఊగుతున్నట్లు ఉండే కంగారూలను చూస్తే ఎవరికైనా నవ్వు రావడం సహజం. అలాంటి ఓ పిల్ల కంగారూ చేసిన పని సోషల్ మీడియాలో వైరల్ అయ్యింది. ఆ వీడియోని చూస్తే మీకు కూడా నవ్వు వచ్చేస్తుంది (Funny kangaroo video).

ట్విట్టర్ లోని @buitengebieden_ అకౌంట్ లో ఈ వీడియోని జనవరి 23న పోస్ట్ చేశారు. "పర్సనల్ ట్రైనర్" అని క్యాప్షన్ పెట్టారు. ఇప్పటివరకు ఈ వీడియోని 5 లక్షల మందికి పైగా చూశారు. ఇందులో ఓ ఇంటి హాల్ లో ఓ వ్యక్తి పుషప్స్ చేస్తున్నారు. ఆ సమయంలో ఆయన దగ్గరకు వచ్చిన పిల్ల కంగారూ... ఆయనకు సాయం చేస్తున్నట్లుగా బిల్డప్ ఇచ్చింది. ఆయన్ని దగ్గరుండి.. "అదీ అలా చెయ్యాలి... ఊ మళ్లీ మళ్లీ" అంటున్నట్లుగా నటించింది. ఆ సమయంలో ఆ ఇంట్లోని కుక్క అటుగా వెళ్లింది. ఆ కుక్కని చూసి కూడా కంగారూ కంగారు పడకుండా... అతనితో ఆడింది. కంగారూలు శాఖాహార జంతువులే కావడం వల్ల ఆ పిల్ల కంగారూ వల్ల ఎలాంటి సమస్యా రాలేదు (kangaroo push ups video).

ఆ వీడియోని ఇక్కడ చూడండి (viral video).

కంగారూ చేష్టలు నెటిజన్లకు బాగా నచ్చుతున్నాయి. నెటిజన్లు దీనిపై ఫన్నీ కామెంట్స్ ఇస్తున్నారు. "ఓ మంచి ఫ్రెండ్ ఎప్పుడూ నీకు సాయంగా ఉంటారు. ఎప్పుడూ" అని ఓ యూజర్ స్పందించగా... "చాలా అందంగా ఉంది" అని మరో యూజర్ కామెంట్ ఇచ్చారు (kangaroo fun videos).

"వ్యాయామం మీకు మంచిది. ఈ విషయం అందరికీ తెలుసు" అని మరో యూజర్ స్పందించగా... "అద్భుతం" అని మరొకరు... "ఆస్ట్రేలియా నుంచి నేను చూసిన వాటిలో ఇది బెస్ట్" అని మరో యూజర్ స్పందించారు.

video: గొయ్యిలో పడిన మేక.. ప్రాణాలకు తెగించి కాపాడిన కుర్రాళ్లు
ఆస్ట్రేలియా ప్రభుత్వ లెక్కల ప్రకారం 2019 నాటికి ఆ దేశంలో 4.28 కోట్ల కంగారూలు ఉన్నాయి. ఐతే... 2013లో వీటి సంఖ్య 5.32 కోట్లు ఉండేది. అంటే వీటి సంఖ్య నెమ్మదిగా తగ్గుతోందని అనుకోవచ్చు. అడవుల సంఖ్య తగ్గిపోతుండటం, జనాభా సంఖ్య పెరుగుతుండటం, పట్టణీకరణ వంటి అంశాలు కంగారూల సంఖ్య తగ్గిపోవడానికి కారణం అవుతోంది.