ప్యాకేజీలో పాము.. గుంటూరు వ్యక్తికి వింత అనుభవం!

ఇల్లు మారుతున్నప్పుడు ప్యాకర్స్ - మూవర్స్‌ సంస్థలకు సామాన్లు అప్పగిస్తున్నారా? అయితే, జాగ్రత్తగా మీకు కూడా ఇలాంటి చేదు అనుభవం ఎదురుకావచ్చు. గుంటూరుకు చెందిన ముత్తు కుమారన్ అనే వ్యక్తి ఇటీవల ఒడిశాలోని రాయ్‌రంగపూర్ ప్రాంతానికి బదిలీపై వెళ్లారు. ఇంట్లో సామాన్లను అగర్వాల్ ప్యాకర్స్ - మూవర్స్‌కు అప్పగించారు.

Read also: విచిత్రం.. ఆమె పట్టిన చేపకు రెండు నోర్లు, వైరలవుతున్న చిత్రం

ఇంటికి చేరిన సామాన్ల ప్యాకేజీలను ఒక్కక్కొటీ తెరుస్తుండగా.. ఒక ప్యాకేజీ నుంచి తాచు పాము బుస్ అని పైకి లేచింది. దీంతో ముత్తు హడలిపోయారు. వెంటనే అటవీ శాఖ అధికారులకు ఫిర్యాదు చేశాడు. ముత్తూ ఇంటికి వచ్చిన అటవీ సిబ్బంది పామును పట్టుకుని అడవిలో వదిలిపెట్టారు. అది విషపూరితమైన పామని, కరిచి ఉంటే ప్రాణాలు పోయేవని సిబ్బంది తెలిపారు. సామాన్లు తరలిస్తున్నప్పుడు మార్గ మధ్యలో పాము ప్యాకేజీలో దూరి ఉండవచ్చని ముత్తూ పేర్కొన్నారు. పాము సుమారు 3 నుంచి 4 అడుగుల పొడవు ఉందన్నారు.

వీడియో: Read also: పుస్తెలమ్మినా ఈ పులస చేప కొనలేరేమో.. దీని ధర తెలిస్తే షాకే!