మటన్ కూర కోసం హత్య.. భార్యను సజీవ దహనం చేసిన భర్త

మద్యం మత్తు మనిషిలో మానత్వాన్ని చంపేస్తుందని చెప్పేందుకు ఈ ఘటనే నిదర్శనం. తన భార్య.. భోజనంలో మటన్ కూర తక్కువగా వడ్డించిందనే చిన్న కారణంతో ఓ వ్యక్తి ఆమెను సజీవ దహనం చేశాడు. ఈ ఘటన ముంబయిలోని జుయి కామోథే ప్రాంతంలో చోటుచేసుకుంది. మహారాష్ట్రలోని నాందేడ్‌కు చెందిన మారుతీ సరోడే కూలి పనుల కోసం భార్య పల్లవి, నలుగురు పిల్లలతో కలిసి ముంబయికి వలస వచ్చాడు.

Also Read: మహిళ తల నరికి, మెదడును తినేసిన రాక్షసుడు.. కారణం ‘ఇంగ్లీష్’

డిసెంబరు 4న భోజనం చేస్తుండగా పల్లవి అతడికి మటన్ కూర వడ్డించింది. కూర తక్కువగా ఉండటంతో మారుతీ భార్యతో గొడవకు దిగాడు. అనంతరం ఆమె వంటిపై కిరోసిన్ పోసి నిప్పటించాడు. ఈ హఠాత్పరిణామానికి పిల్లలు బయటకు పరుగులు తీసి సాయం కోసం కేకలు పెట్టారు. దీంతో స్థానికులు మంటలు ఆర్పి ఆమెను డీవై పాటిల్ హాస్పిటల్‌లో చేర్చారు. ఆమె పరిస్థితి విషమయంగా ఉండటంతో తర్వాతి రోజు ఆమెను సియాన్ హాస్పిటల్‌కు తరలించారు. డిసెంబరు 9న ఆమె పోలీసులతో మాట్లాడుతూ.. భర్తే తనని చంపాడని, కోపంతో కిరోసిన్ పోసి నిప్పంటించాడని వాగ్మూలం ఇచ్చింది. దీంతో పోలీసులు అతడిని అదుపులోకి తీసుకున్నారు. ఈ ఘటనతో ఆ పిల్లల జీవితాలు రోడ్డునపడ్డాయి.

Also Read: హ్యాండ్ పంపు నుంచి నీటికి బదులు రక్తం, మాంసం.. భయపడుతున్న ప్రజలు