Videos: చిరిగిన జీన్స్‌ ప్యాంట్స్‌లో వధువు.. ఎందుకో తెలుసా?

వివాహాలు, వేడుకల్లో ఎవరైనా సరే... అందంగా కనిపించాలంటే... భారతీయ వస్త్రధారణను మించినది ఉండదు. ముఖ్యంగా పెళ్లిలో వధువు లెహంగా ధరిస్తే... దేవకన్యలా ఉండటం సహజం. లెహంగాల డిజైనింగ్, మెరుపులు, కలర్స్ అన్నీ ఎట్రాక్టివ్‌గా ఉంటాయి. వాటికి తోడు ధరించే నగలు, పెట్టుకునే గోరింటాకు అన్నీ అదనపు ఆకర్షణగా నిలుస్తాయి. అలాంటిది ఓ వధువు మాత్రం రెడ్ బ్లౌజ్, బ్రైడల్ దుపట్టా ధరించి... లెహంగా బదులు జీన్స్ పాంట్స్ ధరించింది. అది కూడా మోకాళ్లపైన స్క్వేర్ లాగా చిరిగిపోయి ఉంది (ripped jeans). ఆ గెటప్‌లో వధువుని చూసి అక్కడి వారంతా ఆశ్చర్యపోయారు. లెహంగా వేసుకోవచ్చుగా అని వధువు ఫ్యామిలీ, ఫ్రెండ్స్ అడిగితే... ఆమె నవ్వుతూ ఓ విషయం చెప్పింది. (wedding video)

"నేను ఫేరా సెరెమనీ (phera ceremony)కి వెళ్లాలి. అందుకోసం లెహంగా కంటే జీన్సే అనుకూలంగా ఉంటాయి. నేను లెహంగా వేసుకోవాలి అనుకోవట్లేదు. నేను ఇలాగే వెళ్లాలి అనుకుంటున్నా" అని వధువు తెలిపింది. ఆ వీడియోని ఇన్‌స్టాగ్రామ్‌లోని Witty Wedding పేజీలో పోస్ట్ చేశారు. 4 రోజుల నుంచి ఈ వీడియోని 9 లక్షల మందికి పైగా చూశారు. 63వేల మందికి పైగా లైక్ చేశారు.

ఆ వీడియో (viral video)ని ఇక్కడ చూడండి.

వధువు సమాధానంతో అంతా నవ్వేశారు. ఈ వధువు పేరు ముద్ర భగత్ (Mudra Bhagat). ఆమెకు తన పేరుమీదే యూట్యూబ్ ఛానెల్ ఉంది. అందులో తన పెళ్లి వీడియోని పోస్ట్ చేసింది.

ఆ పెళ్లి వీడియో (marriage video)ని ఇక్కడ చూడండి

నెటిజన్లు దీనిపై భిన్న అభిప్రాయాలు చెబుతున్నారు. "లెహంగా ఎందుకు... ఈ పెళ్లి వస్త్రాలు చాలా ఖరీదైనవి" అని ఓ యూజర్ అభిప్రాయపడగా... "ఇది మీ పెళ్లి... మీకు నచ్చినట్లుగా చేసుకోండి" అని మరో యూజర్ స్పందించారు.

Video: డ్రెస్సులు మార్చేస్తూ యువతి మ్యాజిక్.. అందరూ చూస్తుండగానే.!
"అలాగైతే ఆ బ్లౌజ్, దుపట్టా, నగలు ఎందుకు... టాప్‌లో కూడా జీన్స్ ధరిస్తే సరిపోతుంది. ఇంత కష్టం ఎందుకు" అని మరో యూజర్ స్పందించారు.